181. De beata Maria V.

1 a. Unica, gratifera,

Legis veteris umbrae fuga,
Veritatis lucifera,
Virgo florigera,
Regali stirpe progenita
Deo gratissima.

1 b. Ex Iacob surgit stella,
Mundo dum oreris lucida,
Florens virgula arida
Aaron mystica,
In cuius flore mirifice
Fructus producitur.

2 a. Novum signum
Laude dignum
Imitatur mirabile,

2 b. Incarnari,
Mundo dari

Caelo misit verbum pater,

2 c. Dum implevit,
Quod decrevit,

Virum circumdans mulier.

3 a. Floram flos,
Virtutum dos,
Virgo rosa
Formosa,

Tu vitis fructuosa,
Absint per te dolosa,
Absterge vitia.

3 b. Sola spes
Tu nobis es,
Doctrix morum
Bonorum,

Solamen peccatorum,
Iuvamen miserorum,
Pro nobis supplica.

4 a. Gaude, Mater mirabilis,
Quae in scripturis
Et figuris

Fulges venerabilis,

Spectabilis.

4b. Rubus ardens non uritur,
Dum impraegnatur,
Fecundatur
Parens viri nescia,
Virgo pia.

5 a. De monte sine manibus
Lapis mire praescinditur,

Nam de fiscella

A puella
Moyses educitur,
Vitae datur.

5 b. Lignum aquis immergitur,
Maratb dulcor infunditur,

Nam servans urna

Nos diurna
Pane vitae praepara,
Salvifica.

6 a. Terrarum
Nostrarum

Fons rigans superficies,
Ex te nostraesalutis spes;
Velut de pratis
Voluptatis

Fluvius egreditur,
Fons laeditur.

6 b. Servorum
Tuoium

Preces benigne suscipe,
Mater misericordiae,
Placaus iratum
Redde gratum
Nostrum ministerium
Deificum.

7 a. Tu veri Salomonis
Eburneis [in] thronis
Apta coronis

Hanc plebeculam,

7 b. Porta Ezechielis,
Tu lacus Danielis,
Casta, fidelis,
Tu mundi domina.

8 a. Implorat, qui cognoscit
Se reum, et deposcit
Per te sublimari

8 b. Ab imis ad suprema,
Caeleste diadema
Ora nobis dari.

9 a. Cum digne de te fari,
Te venerari
Non valeo,

9 b. Respice affectum,
Cura defectum,
Iuvamen praestito.

10 a. Resuscita depressum
Et obtine ingressum
Pacis infinitae,

10 b. Ab hostibus defende,
Pium natum ostende
Post hunc finem vitae.