87. De Morte et Indicio.

1. O Christi longanimitas,
Et longa exspectatio,
O mira Christi pietas,
O quanta miseratio)
O cordis induratio !
Quid differs, cur non cogitas,
Homo, quae vitae brevitas?
Cito fit consummatio.

R Cernat hoc meditatio,

Quid nos primo fuerimus ;
Nihil prodest elatio,

Nam terra tandem erimus.

2. O vanitatum vanitas,
Curarum occupatio I
O cur ambitur dignitas,
Cur opum cumulatio?
Quo tendit congregatio,
Aut quid valet cupiditas
Et in sepulcro foeditas
Et extra dealbatio?

3. O quae mortis acerbitas
Et quanta trepidatio,

Cum tam tangit mortalitas,
Ut fiat separatio!
Quid prodest delectatio.

Quid pestiva iucuuditas?

Numquid pro vita flagitas ?
O sera recordatio !

R Cernat hoc meditatio,

Quid nos primo fuerimus;
Nihil prodest elatio,

Nam terra tandem erimus.

4. O servitus, quid cogitas
Apparens in iudicio?
O arguens crudelitas
Hostis et accusatio !
O dolor, o confusio,
O horror, o obscuritas,
O poenarum aeternitas
Et ignis aestuatio !

5. O homo, cur non cursitas,
Ut detur tibi mansio?
Quam felix immortalitas
Et nulla trepidatio,
Sed perpes exsultatio
Sanctorumque societas
Et permanens felicitas
Et laeta Dei visio !