6. In Nativitate Domini.

1. Natus est rex

de virgine Maria,
Mundi salus,

aeternae vitae via,
Quem peperit

intacta mater pia.

. . . . . . . . .

. . . . . .

O quanta gaudia
Dant in ecclesia
Haec natalitia,
Christi praesentia
Et eius gratia !

2. Novum regem

laudet orbis terrarum

Cum novarum
laude melodiarum,

Qui nos trahit

de lacu tenebrarum

Et cunctarum
mole miseriarum.
Adam, quem fregerat,
Hostis deceperat,
Regnum perdiderat,
Quod Deus dederat
Et eius gratia.

3. Iam sunt dicta

completa prophetarum,
Namque nobis

propago divinarum
Deum natum

testatur scripturarum,
Quod cum caede

salus est animarum.

Virgo virginibus

Dignior omnibus,

Subvenientibus

Salva nos precibus.
Laus et gratia.

4. Primus Adam

in morte nos prostravit,

Secundus hic

ad vitam reparavit,

Carnem sumptam
miro modo beavit,

Quam ad dextram
summi patris locavit.
Quod reddit aditum
Per gustum perditum,
Non fuit debitum
Vel nostrum meritum,
Sed sola gratia.

R Dat gaudia
Caelestia
Sunt pervia,
In patria
Patet via,
Perfidia,
Superbia,
Potentia

Hostis frangitur ;
Introitus
Est redditus,
Rex genitus
Humanitus
Dat aditus,
Et perditus,
Expositus
Ad gemitus,

Homo solvitur.