102. Pro Vacatione in Natali Domini.

Doctorem nostrum puerorum turba salutat,
Nam nihil utilius esse salute putat.

1. Doctor, vatum gloria,
Decus morum, cui
Dedit sapientia
Primitias sui,

Rex qui regit omnia,
Sit protector tui,

Dans tibi perpetua
prosperitate frui.

2. Quisquam tibi similis

Non fuit hactenus,
Corpore curabilis

Moribus es plenus,
Nam, licet sis nobilis,

Avis tam serenus,
Exsuperas morum

nobilitate genus.

3. Es virtutum alveus,

Custos et patronus,
Totus es sidereus,

Tam ad bonum promis,
Quodsi essem ferreus,

Tamen, quam sis bonus,
Dicere conantem

debilitaret onus.

4. Sed ut loquar brevius,

Conferri tibi res
Nulla potest, totius

Bonitatis vir es,
Nam in sensu potius

Quam Salomon vires;
Heu mihi, tam parvas

quodhabentmeacarminavires !

5. Non mirum, languescimus

Intus atque foris,
Nam, quidquid habuimus

In vultu decoris,
Penitus consumpsimus

Sub pondus laboris,
Quidquid et in nobis

vivi fuit atque vigoris.

6. Sufferri diutius

Nequit labor gravis ;
Quid est bono firmius?

Defecit sua vis;
Sis ergo propitius

Nobis et suavis,
Nostra ne quam citius

mergatur in aequore navis.

7. Nos per anni circulum

Fuimus studentes,
Studendo corpusculum

Nostrum atterantes,
Parum cordis oculum

Alibi ponentes,
Sufficiens epulum

vix nobis suscipientes.

8. Non modo contrarius

Nostrae voluntati,
Da portum quam citius

Fatigatae rati,
Nam cura diutius

Scholarum gravati,
Possumus ulterius

vix graviora pati.

9. Sine mora licitum

Sit nobis collatum,
Ut colamus inclitum

Regem regum natum,
Ortum tam insolitum,

Tam longe praefatum,
Pandite nunc nobis

praesentia numina vatum.

10. Deus volens solvere,

Quod promisit pridem,
Mariam eligere

Thalamum, ibidem
Voluit et sumere

Carnem manens idem,
Quod fuit, et sumptam

pace manere fidem.

11. Est factus ad virginem

Sermo Gabrielis:
Tu paries hominem

Deumque de caelis,
Virgo noscens neminem

Stupet de loquelis,
Donec ait Gabriel:

careant tua verba querelis.

12. Virtus sancti flaminis

Obumbrans credentem
Te faciet hominis

Deique parentem.
Fit consensus virginis.

Mox omnipotentem
Concipit in gremio

caelum terramque regentem.

13. Clauso puer limine

Prodit, alienae
Sunt omnes a virgine

Parientis poenae,
Sonat in hoc numine

Talis ortus bene
Excedente modum

stadium mortalis habenae.

14. O mira sollemnitas

Domini natalis,
Peperit qua castitas

Christum virginalis,
Particeps divinitas

Fit vitae carnalis !
Debet in hac solitis

poena carere malis.

15. Propter imminentia

Festa regis tanti
Praestetur licentia

Clero postulanti ;
Ne moveam taedia

Prece tam instanti,
Verba mihi desunt

eadem tam saepe roganti.

16. Ergo parce miseris

Potius concite,
Miserere miseris

Aliorum rite,
Et si nobis dixeris

Licitum dans ''Ite,
''Detur inoffensae

metas tibi tangere vitae.

17. Da licitum omnibus,

Doctor, modo quoquo,
Pro me, pro sodalibus

Unde Deum voco,
Quod veres de talibus

Aliter sub ioco,
Defuit hic uno

litera nostra loco.

Tu qui cuncta regis, dignus diademate regis,
Qui dator es legis, mihi sis protector et aegis.