68. De Beata Maria V.

1. Veni, sancte spiritus,
Et in me robur auge

virtuosum,
Effunde lumen caelitus
Et munda, quod est in me

vitiosum.
Fer solamen misero,

Qui nititur laudare
Mariam, piam virginem,

Cuius laudem intendo
propalare.

2, Maria, mater gratiae.
Spes veniae,

Solamen miserorum.
Tu civitas iustitiae,
Vas gloriae,

Reparatrix reorum;
Tu stella maris lucida,

Tu rutilans aurora,
De me demas aspera,
Da prospera,

Cor aridum dulcora.

3. Ave, regina virginum
Et angelorum,

Thronus Salomonis,
Tu peperisti dominum
Caelorum;

Ave, vellus Gedeonis,
Tu sola virgo crederis

Et mater deitatis,
Tu sine spina lilium,
Triclinium

Totius trinitatis.

4. Tu virtutum speculum,
Lucet in te

Salomonis sophia,
Tu perlustrasti saeculum
Splendore

claritatis, o Maria.
Luna sub tuis pedibus,

Tu es amicta sole,
Ex te processit filius
Homo Deus

Sine peccati mole.

5. Languoris tu solacium,
Peccantium

Tu spatium, Maria,
Spes in te sperantium,
Errantium

Tu es directa via.
Actus meos dirigas

Orisque rege dicta,
Hostes nocentes destruas
Et diluas,

Virgo, mea delicta.

6. Tu rosa parens lilium,
Tu virens virga

fructum protulisti,
Cum peperisti filium,
Quem contra carnis

morem genuisti;
Tu mater maris nescia,

Cella divinitatis,
A nobis pelle noxia
Et vitia,

Nos solvas a peccatis

Et fac caelesti gloria
Gaudere cum beatis.