Congregatio de Causis Sanctorum 1067

anno 1891 Serva Dei quattuor cum iuvenibus, sub auctoritate Episcopi Ca-

sertani, professionem religiosam emisit et habitum induit religiosum, Sororis

Mariae Seraphinae a Sacro Corde nomen sumens.

Ex eo die brevi vocationes numero increverunt, plurimae apertae sunt

domus et multiplicata est apostolica navitas in servitium orphanorum,

pauperum et iuvenum derelictorum. Peculiaris cura, ad instar veri « quarti

voti », religiosae institutioni dicata est.

Id quod Mater Seraphina, circa vocationes proposuerat anno 1904 appro-

bationem dioecesanam Episcopi Thelesini seu Cerretani obtinuit atque verbis

suis saepius ad socias effatis complectitur: « Sicut Angeli - dicebat - ado-

rabitis Trinitatem et, sicut illi sunt in caelis, vos ipsae eritis super terram ».

Hoc modo indoles spiritualis definiebatur Sororum, vehementi amore Dei et

misericordi egenorum fratrum servitio informata.

Quarum virtutum ipsa prima constans praebebat testimonium. Spiritua-

litas eius, enim, in adoratione Sanctissimae Trinitatis et Eucharistiae firmiter

constituta erat. Fidem, spem et caritatem in oratione Serva Dei nutriebat

et corpus omnimodis torquens ac fratribus miserrimis humiliter inserviens

confirmabat. Operose officia cotidiana explebat, desiderio unionis cum Deo

semper mota, quod brevibus invocationibus et iaculatoriis exprimebatur.

Praeterea, assidua ac suavis in ea cura Sponsi caelestis: Dominus Iesus, cui

cor suum donaverat indivisum, vitae suae praecellens imperabat. Summa

devotione et pietate Virginem Immaculatam, Reginam Angelorum, excole-

bat, quam plena cum fide et spiritu imitationis aspiciebat.

Adeo humanitatis dotibus, cordis sapientia et actione gratiae ornata erat,

ut etiam in novi Instituti moderatione virtutes caritatis, prudentiae, fervoris

et oboedientiae mandatis Ecclesiae ostenderet. Magna in paupertate et

austeritate vixit. Indefessa navitate institutioni religiosae Sororum, necnon

fundationi atque augmento domuum religiosarum providit et humilitate,

patientia et temperantia haud paucas oppetiit angustias, quae poenarum

ac vexationum fons ei fuerunt, omnibus in adiunctis gloriam Sanctissimae

Trinitatis tantum quaerens.

Multi etiam fuerunt corporis dolores a Matre Seraphina suscepti infirmi-

tatum causa, quae longos per annos eam comitatae sunt. Demum laboribus

consumpta et morbo correpta, die 24 mensis Martii anno 1911 in Conventu

Faicchii apud Beneventum pie in Domino quievit.

Ob celebratam Servae Dei sanctitatis famam, quae iam tempore vitae in

mundo effulserat ac post mortem increvit, ab anno 1990 ad annum 1992 apud