Congregatio de Causis Sanctorum 1065

ACTA CONGREGATIONUM

CONGREGATIO DE CAUSIS SANCTORUM

CERRETANA -THELESINA - S. AGATHAE GOTHORUM

Beatificationis et canonizationis Servae Dei Mariae Seraphinae a Sacro Corde (in

saec.: Clothildis Micheli) fundatricis Instituti Sororum ab Angelis (1849-1911)

DECRETUM SUPER VIRTUTIBUS

« Confiteor tibi, Domine, in toto corde meo, quoniam audisti verba oris

mei. In conspectu angelorum psallam tibi, adorabo ad templum sanctum

tuum; et confitebor nomini tuo propter misericordiam tuam et veritatem

tuam » (Ps 138, 1-2).

Mira cum singularitate haec antiqui Israelis psalmistae verba in vita

operibusque Servae Dei Mariae Seraphinae a Sacro Corde personant, quae

benigna ac fideli caritate mysterio Cordis Christi adhaesit et spirituali acu-

mine sibi filiabusque Instituti ab ipsa fundati Angelorum ministerium laudis

Domini eiusque regni aedificationis proponere voluit imitandum.

Venerabilis Serva Dei die 11 mensis Septembris anno 1849 in vico Imerio

apud Tridentum, tunc sub dicione Austro-Hungarici Imperii, nata est.

Insequenti die ad baptismalem fontem paroeciae loci ducta nomen sumpsit

Clothildis et biennio post Confirmationis recepit sacramentum.

Infantiam et adulescentiam apud familiam suam humilem et honestissi-

mam Clothildis degit, quae vero puellae institutioni providit simul peculiari

austeritatis et laetitiae spiritu praeditae. Scholam primariam dein profi-

cienter frequentavit, iam inde a pueritia praeceptorum religionis summam

ostendens curam, quam gradatim aluit et usque ad profundissimam fidei

caritatisque consuetudinem perfecit.

Anno 1867 singulare eventum iter vitae eius semel affecit. Die 2 mensis

Augusti, enim, in festo Sanctae Mariae Angelorum, Clothildis, quae iam un-

devicesimum annum agebat aetatis, dum ecclesiam paroecialem verrebat,