Acta Benedicti Pp. XVI 995

LITTERAE APOSTOLICAE

I

Venerabilibus Servis Dei Eusebio a Iesu Infante, presbytero professo ex Ordine

Fratrum Discalceatorum Beatae Mariae Virginis de Monte Carmelo, et XV Sociis

eiusdem Ordinis Beatorum martyrum honores decernuntur.

BENEDICTUS PP. XVI

Ad perpetuam rei memoriam. - «Mihi enim vivere Christus est et mori

lucrum » (Philp 1, 21).

Ob civile bellum, quod Hispaniam vastabat annis MCMXXXVI-MCMXXXIX,

et ob persecutionem contra religionem christianam, suae fidei causa mortem

subierunt Venerabiles Servi Dei Eusebius a Iesu Infante Fernández Arenillas

et XV sodales eius, pertinentes ad Ordinem Fratrum Discalceatorum Beatae

Mariae Virginis de Monte Carmelo. Ipsi quidem Toleti alacriter et invicto

amore persecutioni et morti occurrerunt, nolentes Christum negare nec suam

Ecclesiae fidelitatem. Quorum sex morti occubuerunt iam primo die adven-

tus militiae rubrae in hanc urbem, videlicet die XXII mensis Iulii anno

MCMXXXVI, alii duo die XXX, alii septem (tres presbyteri et quattuor tirones

theologiae) die XXXI eiusdem mensis Iulii, ac denique die VII mensis Septem-

bris alius presbyter Carmelitanus, iniuste comprehensus et reus factus, feroci

cum odio et barbara simultate ad mortem est damnatus et occisus.

A) Religiosi interfecti die XXII mensis Iulii anno MCMXXXVI sunt:

1. Eusebius a Iesu Infante, in saeculo Ovidius Fernández Arenillas,

presbyter. Natus est die XXI mensis Februarii anno MDCCCLXXXVIII in loco

Castilfalé, dioecesis et provinciae Legionensis. Professionem simplicem nun-

cupavit anno MCMIV, inde sollemnem die III mensis Novembris anno MCMVII.

Ordinationem sacerdotalem suscepit die XXI mensis Decembris anno MCMXII.

Anno MCMXXXVI Prior erat Toletanae communitatis.

2. Iosephus Augustinus a Sanctissimo Sacramento, in saeculo Thomas

Mateos Sánchez, religiosus, alumnus theologiae. Natus est die XVII mensis

Septembris anno MCMXII in loco Anaya de Alba, dioecesis Salmantinae. Emisit

vota simplicia anno MCMXXVIII et die XXIX mensis Iunii anno MCMXXXVI,

paucos dies ante occisionem, professionem sollemnem nuncupavit atque

ordines minores suscepit.