Acta Benedicti Pp. XVI 1003

Haec vero quae hodie statuimus firma usquequaque esse volumus ac

valida fore iubemus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die IV men-

sis Octobris, anno MMIX, Pontificatus Nostri quinto.

De mandato Summi Pontificis

e Tharsicius card. Bertone

Secretarius Status

Loco e Plumbi

In Secret. Status tab., n. 117.286

III

Venerabilibus Servis Dei Henrico Saiz Aparicio, presbytero professo e Societate

Sancti Francisci Salesii, et LXII Sociis Beatorum martyrum honores decernuntur.

BENEDICTUS PP. XVI

Ad perpetuam rei memoriam. - «Calicem quidem, quem ego bibo bibetis

et baptismum, quo ego baptizor, baptizabimini » (Mc 10, 39).

Fecunda actuositas evangelica sancti Ioannis Bosco sodalium in Hispania

paucos per annos constitit tempore persecutionis, quae anno MCMXXXVI

exarsit. Duo coetus Salesianorum, qui pertinebant ad provincias Matritensem

et Hispalensem atque variis in domibus degebant, quorum Causae postea

coniunctae sunt in unum processum super martyrio, sanguinem suum pro

Christo Domino fuderunt, Deo et Ecclesiae se fideles praebentes. Persecuto-

res eorum minime pepercerunt statui eorum apostolico iuvenique aetati.

Praeter duos, ceteri omnes interfecti sunt anno MCMXXXVI.

Hi martyres sunt Servi Dei pertinentes ad Provinciam Matritensem

Societatis Sancti Francisci Salesii:

A) Communitas Salesiana oppidi Carabanchel Alto.

1. Henricus Saiz Aparicio, presbyter. Natus est die I mensis Decembris

anno MDCCCLXXXIX; suscepit ordinationem sacerdotalem anno MCMXVIII.