Congregatio de Causis Sanctorum 249

Ob increbrescentem sanctimoniae famam, qua inde ab ipso exsequiarum

die eminuit, apud Vicariatum Urbis primum Processus Ordinarius Informa-

tivus, a die 7 mensis Aprilis, anno 1968, ad diem 23 mensis Martii, anno 1972,

conditus est; deinde Inquisitio dioecesana, a die 15 mensis Maii, anno 2000,

ad diem 14 mensis Aprilis, anno 2002, instructa est. Quorum et singulorum

processuum vim Congregatio haec ratam habuit per decretum die 20 mensis

Februarii, anno 2004, latum. Positione confecta, more tralaticio disceptatum

est num Dei Famula omnes et singulas christianas virtutes, eaque heroum in

modum, exercuisset. Hinc die 2 mensis Octobris, anno 2007, habitus est,

favorabili quidem cum exitu, Congressus Peculiaris Consultorum Theologo-

rum. Patres Cardinales et Episcopi in Sessione Ordinaria congregati die 5

mensis Decembris eodem anno 2007, audita relatione Exc.mi D.ni Laurentii

Chiarinelli, Episcopi Viterbiensis, Causae Ponentis, agnoverunt Antoniam

Meo, Dei Famulam, theologales et cardinales iisque adnexas virtutes, eamque

heroicum in modum, exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Beatissimus Pa-

ter, vota Congregationis de Causis Sanctorum excipiens rataque habens, sub-

signata die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei Anto-

niae Meo, v. d. « Nennolina », puellae, in casu et ad effectum de quo agitur.

Mandavit autem Beatissimus Pater ut praesens decretum publici iuris

fieret et in acta Congregationis de Causis Sanctorum referretur.

Datum Romae, die 17 Decembris A.D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis