Acta Apostolicae Sedis - Commentarium Officiale238

VERONEN.

Beatificationis et canonizationis Ven. Servae Dei Vincentiae Mariae Poloni (in

saec.: Aloisiae) Fundatricis Instituti Sororum a Misericordia Veronensium

(1802-1855).

DECRETUM SUPER MIRACULO

Venerabilis Serva Dei Vincentia Maria Poloni, virgo, in saeculo Aloisia,

Veronae nata est die 26 mensis Ianuarii anno 1802. In Christi fide informata,

ad vitam laboris, sacrificii et oblationis se comparavit et, praesertim paupe-

ribus et aegrotis assiduam navans operam, sub spirituali moderatione Beati

Caroli Steeb consilium inivit se Deo consecrare. Aliae tres ipsi se sociaverunt,

e quibus, votis religiosis emissis, Institutum Sororum a Misericordia ortum

est. Magno cum spiritu caritatis, profunditate interioris vitae ex alto, Serva

Dei pro infirmis summopere enisa est, virtutes suas humanitatis, benignitatis

ac consensus, necnon praestantis suae rerum peritiae et alacris habitus ordina-

tionis, usquequaque ostendens. Tumore confecta, unionem suam cum Chris-

ti cruce consummavit die 11 mensis Novembris anno 1855.

Summus Pontifex Benedictus XVI, die 28 mensis Aprilis anno 2006, Ser-

vam Dei virtutes theologales, cardinales et his adnexas heroico gradu coluisse

decrevit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem Virginiae Agostini,

in saeculo Idae, virginis ex ipso Instituto a Serva Dei fundato, quae operariis

officinae crustulorum praeerat. Ex fibromate uteri, cystibus ovariorum et

tumore maligno papillarum valde laborata, annis 1937-1939, debillimis vero

cum effectibus, plurimis chirurgicis sectionibus commissa est, quas immo

secuta est progrediens infirmitatis depravatio. Vix gravitas morbi Sororis

palam facta erat, ut qui sive intra sive extra communitatem eam noverant

ad divinum auxilium per intercessionem Servae Dei fidenter confugere inci-

perent. Repente, placidam post noctem, religiosa sanata experrecta est. Con-

tinuatio temporis et nexus inter invocationem Servae Dei et sanationem

Sororis Virginiae clarissime patuit, quae etiam tredecim annos optima vale-

tudine utens vixit.

De hac mira aestimata sanatione inter dies 30 mensis Maii et 15 mensis

Decembris anno 1994 apud Curiam Veronensem Inquisitio dioecesana cele-

brata est, cuius auctoritas et vis iuridica a Congregatione de Causis Sancto-