Acta Apostolicae Sedis - Commentarium Officiale228

ROMANA

Beatificationis et canonizationis Ven. Servae Dei Mariae Magdalenae ab Incarna-

tione (in saec.: Catharinae Sordini) Fundatricis Istituti Sororum ab Adoratione

Perpetua Ss.mi Sacramenti (1770-1824).

DECRETUM SUPER MIRACULO

Venerabilis Serva Dei Maria Magdalena ab Incarnatione, in saeculo Cathari-

na Sordini, in Portu Sancti Stephani, Grossetana in provincia, die 16 mensis

Aprilis anno 1770 e familia vere christiana est orta. Ab infantia mag-

num experta est affectum erga Sanctam Eucharistiam. Septemdecim annos

nata religiosam elegit vitam, monasterium ingrediens Clarissarum in loco

Ischia di Castro, Viterbiensi in provincia. Institutum condidit sororum quae

appellantur Adoratrices Perpetuae Sanctissimi Sacramenti, peculiari modo

eucharistico cultui dicatae. Eversio Gallica et Napoleonis expeditiones mag-

num intulerunt discrimen in recens Institutum eiusque conditricem, ad in-

commoda et privationes coactam; vocationes tamen floruerunt atque opus

paulatim increbruit. Serva Dei Romae, die 29 mensis Novembris anno 1824,

pie in Domino obdormivit.

Summus Pontifex Ioannes Paulus II, die 24 mensis Aprilis anno 2001,

Servam Dei heroico gradu virtutes theologales, cardinales eisque adnexas

exercuisse declaravit.

Postulatio Causae, Servae Dei beatificationi prospiciens, examini huius

Congregationis de Causis Sanctorum coniectam miram subiecit sanationem

domini Ioannis de Dios Rodrı́guez Madrid, de Culiacanensi urbe, Mexici, qui,

anno 1994 ex altitudine delapsus est, in terram caput vehementer allidens.

Gravi capitis vulnere afflictus est cum relativa conscientiae amissione, vomi-

tione ac per nares sanguinis effluvio. Licet urgentibus praestitis auxiliis in

valetudinario, eius valetudinis condicio in deterius ruit, cum trepidam ob

crisim iterum a lecto tomographi delapsus est. Quidam familiares et amici,

funesta eius valetudinis condicione perpensa, consilium excipientes cuiusdam

religiosae Adoratricis atque propinquae infirmi, divinum invocare coeperunt

auxilium, per intercessionem Servae Dei Mariae Magdalenae ab Incarnatione,

atque inter aegroti vestimenta nomisma quoddam cum eius imagine posue-

runt. Sine ulla chirurgica sectione, tribus transactis a vulnere diebus, domi-

nus Rodrı́guez Madrid signa melioris condicionis celeriter demonstrare coepit