GIENNEN.

Beatificationis et canonizationis Servi Dei Emmanuelis Lozano Garrido Christifi-

delis laici (1920-1971)

DECRETUM SUPER VIRTUTIBUS

« Iterum autem videbo vos et gaudebit cor vestrum et gaudium vestrum

nemo tollit a vobis » (Io 16, 22)

Servus Dei Emmanuel Lozano Garrido sicut stella in firmamento christiani

laicatus elucet, cum indoles eius humanarum virtutum ferax, constans perfec-

tionis studium in voluntate Dei adhaerendo, strenuus orationis et oblationis

spiritus, sincerus filialisque amor erga Virginem Mariam, benigna navitas in

Actione Catholica, apostolatus fecundus praesertim in communicationibus so-

cialibus, gaudium simplicitate etiam in diutina infirmitate refertum, aerumnae

in communione cum Iesu crucifixo acceptae, facilitas iniurias ignoscendi, mite

eius et validum testimonium in omnibus adiunctis datum ac mors, denique,

aequo animo excepta exemplar eum reddant imitationi omnium sectatorum

Domini in diversis condicionibus vitae exhibendum.

Servus Dei Linariae in Hispania, in dioecesi Giennensi, die 9 mensis Augusti

anno 1920, quintus ex octo filiis, e familia authentice religiosa et, quoad socia-

lem condicionem, quaestuosa natus est. Praecox mors patris, autem, quae ine-

luctabiles praestitit effectus quod ad sensum affectationis et ad rem familiarem

attinet, primum perlongi tirocinii in tribulationibus fuit discrimen, cui Emma-

nuel subiit. Tempus tamen infantiae et adulescentiae, avi materni curis tradi-

tus, in tranquillitate degit et in sueto cursu ludorum, studiorum, agnitionis

naturae, catecheseos, participationis sacramentorum, culturalium ac socialium

pulsuum. Post mortem avi ac matris recentioresque experientias scholasticas et

culturales, eventus quidam magni momenti iter spirituale Servi Dei collustra-

vit, scilicet adhaesio eius tamquam aspirantis in Actione Catholica.

Apicem eius adulescentiae nova ac omnium miserandissima familiaris afflic-

tatio signavit, id est nex fratris maioris in adiunctis persecutionis religiosae

quae praecessit et flagravit annos belli civilis in Hispania (1936-1939). Exinde

Emmanuel improviso proiectus est quasi in receptaculum odii ac incivilitatis,

quae annos illos foedavit, neque ex humiliationibus discidioque familiae et

reclusione religionis causa est elapsus. Verumtamen ipse semper in fidelitate

Congregatio de Causis Sanctorum 217