Congregatio de Causis Sanctorum 225

VENETIARUM

Beatificationis et canonizationis Servae Dei Annae Mariae Marovich ex Instituto

Sororum a Reparatione Ss. Cordium Iesu et Mariae Immaculatae (1815-1887).

DECRETUM SUPER VIRTUTIBUS

« Ad me quod attinet, semper sum illa consueta paupercula coram Deo ».

Verba haec veluti compendium haberi possunt spiritualis vitae Servae Dei:

dotibus enim humanis et spiritualibus ditata ita ut Venetiis censeretur una ex

mulieribus inter magis doctas et conquisitas consilii ferendi causa, Serva Dei

maxime eminuit sua eximia humilitate, qua ducebatur ad sese tantummodo

« pauperem filiam » iudicandam. Venetiis orta est die 7 mensis Februarii anno

1815 e Dalmata familia; inde a pueritia singularem eucharisticam et repara-

tricem pietatem exhibuit. Unigenita, a parentibus summa diligentia instituta

est, qui permiserunt eam spectabiles colere dotes naturales; adulescens tam

Venetiis quam etiam extra urbem innotuit uti auctrix opellarum theatralium

pietatis, carminum et epigrammatum, et uti pictrix. A iuvenili aetate subiec-

ta est sub moderamine Rev.mi D.ni Danielis Canal, docti et pii presbyteri, in

urbe et apud aulam imperialem Vindobonensem notissimi. A die suae Primae

Eucharisticae Communionis Dei Serva sese Domino consecravit, eidem in

vita religiosa servire cupiens. Postquam optimam renuerat uxoriam condi-

cionem et reticentias parentum superaverat, adhuc in saeculo incubuit in

profundae pietatis caritatisque vitam sub moderamine Rev.mi D.ni Canal.

Vix viginti annos nata perfrequens epistulare suscepit commercium cum Pa-

triarcha Venetiarum Cardinali Monico aliisque insignibus sacerdotibus. Eius

vita communionis cum Deo extraordinariis quoque donis confirmabatur col-

loquii interioris et profunda perceptione eucharistica. Anno 1862 simul cum

Rev.mo D.no Canal condidit Domum Rehabilitationis pro mulieribus e car-

cere dimissis; huius novi Instituti fuit, per socialis redemptionis opera, offen-

sas Cordi Iesu inflictas reparare.

Anno 1867 Institutum eius se sociavit cum Instituto Piarum Dominarum

a Domo Nazarethana, Mediolani condito a Servo Dei Carolo Salerio, presby-

tero dioecesano, sodali Seminarii Lombardi pro Missionibus Exteris.

Institutum Mediolanense eundem sibi proponebat finem, reparationem

scilicet promovere per adorationem eucharisticam nec non auxilium ferre

iuvenibus mulieribus derelictis: id est iuvenibus quae, in locum carceris, So-