Acta Apostolicae Sedis - Commentarium Officiale230

MILETEN.-NICOTRIEN.-TROPIEN.

Beatificationis et canonizationis Servae Dei Francisci Mottola Sacerdotis dioece-

sani Fundatoris Instituti Saecularis Oblatarum S. Cordis (1901-1969).

DECRETUM SUPER VIRTUTIBUS

« In Christo Iesu per evangelium ego vos genui » (1 Cor 4, 15).

Haec verba Beati Pauli apostoli, dum spirituale quoddam parentis munus

in fide scienter affirmant, ad vitam et opera Servi Dei Francisci Mottola, qui

tamquam exemplar dioecesani sacerdotis effulsit, usque redundant. Hic Servus

Dei nobili, quamvis iam prolapso genere natus est Tropeae, in regione videlicet

Catacensi, in Bruttiis, die 3 mensis Ianuarii, anno 1901, biduoque post baptis-

mate sancto rite ablutus est.

Primam aetatem, quam ceterum ipse pia hominum societate degit, volun-

tarius matris interitus contristavit: qui quidem eventus ingenium pueri vehe-

menter excruciavit, qui deinceps immatura fratris morte amplius exercitus est.

Etiam propter haec animus adulescentuli, qui interea seminarium ingressus

erat, procul dubio magis magisque conformabatur, non solummodo alacritate,

intellegendi vi, poëtico spiritu, verum etiam magnis quibusdam exceptionibus,

ut puta iracundia, nimia diligentia et severitate, sollicitudine, litium cupiditate,

superbia. Attamen tempus, quo suo ipse ingenio excolendo operam dedit, vere

palaestra conversionis fuit, qua adulescens, cum interiorem vitam corroboravit,

tum, quid Deus de eo statuisset, gradatim adquisivit, adeo ut animus haud

simplex ad actionem divinae gratiae promptus tunc inveniretur, cum Francis-

cus sacro presbyteratus ordine insignitus est.

Servus Dei in variis campis pastoralibus ministerium exercuit: nam idem

sacras conciones habuit, sacramenta impertiit, pietatis magister fuit, litteris

artique diurnariorum operam dedit, caritatem re adhibuit, incepta spiritualia

et culturalia instruxit.

Cum autem factus esset rector seminarii dioecesani, in quo ipse praeceptor

et animorum moderator antea fuerat, vigilans ac prudens iuventutis magister

evasit, sed maxime auctor qui animos omnium inflammaret, idemque promptus

cum ad dignoscendas temporum notas, tum ad quaerendas occasiones bene

faciendi, quas quidem nova societatis fermenta postulabant.

Zelus eius expressus est etiam per varia incepta apostolica, quae ipse summo

sese devovendi studio usque promovit. Nam idem pro certo semper affirmavit