Acta Apostolicae Sedis - Commentarium Officiale244

Evidens visus est temporis nexus inter invocationem intercessionis Servi Dei

et sanationem Marii Jabłoński, qui nunc optima fruitur corporis animique va-

letudine, et aptus est ad normalem vitam affectuum et laboris gerendam.

De hoc casu miro considerato, acta est ab die 16 mensis Aprilis ad diem 28

mensis Maii anno 2002 apud Curiam Bialostocensem Inquisitio dioecesana,

cuius iuridica validitas ab hac Congregatione per decretum diei 1 mensis Octo-

bris anno 2004 est approbata. Consilium Medicorum huius Dicasterii in Sessione

die 12 mensis Octobris anno 2006 habita agnovit sanationem a «veneficio cau-

stico (v.d. Lizol) cum toxica locali et ordinata actione celerem, perfectam, con-

stantem et ex scientiae legibus nostrae aetatis inexplicabilem » fuisse. Die 1

mensis Iunii anni 2007 Congressus habitus est Peculiaris Consultorum Theolo-

gorum, cuius favens exitus confirmatus est quoque a Patribus Cardinalibus et

Episcopis, in Sessione Ordinaria die 5 mensis Decembris anno 2007 congregatis,

Causae Ponente Excellentissimo Domino Rino Fisichella, Rectore Magnifico

Pontificiae Studiorum Universitatis Lateranensis.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret responsum affirmati-

vum prolatum est.

Facta demum de hisce omnibus rebus Summo Pontifici Benedicto XVI per

subscriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno die

declaravit: Constare de miraculo a Deo patrato per intercessionem Ven. Servi

Dei Michaëlis Sopoćko, Sacerdotis dioecesani, videlicet de repentina, perfecta et

constanti sanatione Marii Jabłoński a « avvelenamento caustico (Lizol) con azione

tossica locale e sistemica ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 17 mensis Decembris A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis