Acta Apostolicae Sedis - Commentarium Officiale220

BERYTEN.

Beatificationis et canonizationis Ven. Servi Dei Iacobi a Ghazir (in saec.: Khalil

Haddad) Sacerdotis Professi O.F.M. Cap., Fundatoris Congregationis Sororum

Franciscalium Crucis in Libano (1875-1954)

DECRETUM SUPER MIRACULO

Venerabilis Servus Dei Iacobus, in saeculo Khalilius Haddad, in vico Ghazir

in Libano die 1 mensis Februarii anno 1875 e familia maronitae traditionis

profunde christiana natus est. Cursu studiorum completo, Fratribus Minoribus

Capuccinis se sociare statuit, inter quos nomen religiosum accepit Iacobum a

Ghazir. Presbyteratu auctus, tam pietate, paupertate, oboedientia et iucundi-

tate emicuit, quam praesertim caritate erga infirmos, orphanos, senes, abiectos

praestitit peculiarem adhibens benignitatem, quam in eo etiam civiles potesta-

tes agnoverunt consentientes. Congregationem Sororum Franciscalium Libani

fundavit. Die 26 mensis Iunii anno 1954 pie in Domino quievit.

Summus Pontifex Ioannes Paulus II, die 21 mensis Decembris anno 1992,

Servum Dei virtutes theologales, cardinales et his adnexas heroico gradu co-

luisse decrevit.

Beatificationis respectu, Causae Postulatio iudicio huius Congregationis de

Causis Sanctorum assertam subiecit miram sanationem dominae Mariae Kat-

tan, quae, infirmorum ministra, nunc emerita, anno 1998 conflationem quam-

dam in latere dextero cervicis conspicere coepit, una cum febris incremento,

virium depressione et ponderis amissione. Biduo post, magis magisque in dies

succrescente conflatione, chirurgicae sectioni commissa est. Examen histologi-

cum, quod secutus est, maximam infirmitatis gravitatem revelavit, indolem

malam illius tumoris eiusque strenuam periculosissimamque venae iugulari in-

ternae adhaerentiam. Aegrota insuper omnes chemicorum agentium radiatio-

numve emissionis ope instructas curas renuerat, revocans immo vitium fumi-

gationis, cui ex iuventutis tempore sine mora se subiecit. Prognosis ergo brevi

tempore infausta dicta est.

Nepos quidam Mariae vero, ea insciente, divinum auxilium per intercessio-

nem Servi Dei Iacobi de Ghazir pro sanatione amitae invocare coepit. Post

studium textilium mulieris, cuius exitum omnes ei tacuendum putaverant,

seduliores clinicae perscrutationes peractae sunt, quae nucleum primitivum

tumoris necnon nova aliis in interioribus corporis membris oncomata revela-