Godescalcus Lintpurgensis, Praepositus Aquensis, d. 1098.
265. (2. ) De beata Maria Virgine.
266. (3. ) In Assumptione beatae Mariae.
267. (4. ) In Divisione Apostolorum.
268. (5. ) De s. Maria Magdalena.
269. (6. ) In Conversione s. Pauli.
270. (7. ) In Decollatione s. Iohannis B.
272. (9. ) In Nativitate Domini.
273. (10. ) In Octava Epiphaniae.
274. (11. ) In Transfiguratione Domini.
275. (12. ) In Octava Pentecostes.
276. (13. ) In Exaltatione s. Crucis.
277. (14. ) In Exaltatione s. Crucis.
278. (15. ) In Exaltatione s. Crucis.
281. (18. ) De beata Maria Virgine.
283. (20. ) In sancti Petri ad Vincula.
284. (21. ) De ss. Iohanne Bapt. et Iohanne Evang.
1. Audite, cali, audi, tellus, auditu digna testimonia divinitus data.
2 a. Verbum summi patris, quod eructatum homini, angelo dedit esse ac semper esse, ut daret isdem optime esse.
2 b. Carnem nostram sumpsit, qua instauraret, quae in caelis sunt, omnia, quaeque in terris sunt, cuncta, coniungens in se ista et illa.
3 a. Hoc verbum, caro factum in matre virgine, processit de thalamo sponsus amabilis in habitu carnis.
3 b. Hoc verbum, vocem sumens in casto theologo, gigas currens prodiit in fortitudine vocis tonitrui.
4 a. Vox enim tonans Iohannes evangelista conterruit fugans, fulminavit hostes ecclesiae verbi fortitudine.
4 b. Haec vox dum personat, abyssus abyssum invocat, Iohannes evangelista Iohannem baptistam, testis testem, verax veracem, vox vocem.
5 a. Nara vox tonitrui apostolus in rota orbis terrae cognitus, sed vox clamantis est in deserto parata Domino parare perfectam plebem, praeco nobilis, ardens et lucens lucerna aeterni luminis.
5 b. Uterque pari testimonio in huius mundi auditorio plenum gratia et veritate confirmat unigenitum patris, regnantem caelo aeternaliter,
sed visum in terris localiter ac temporaliter.
6 a. Nam caro verbum et verbum caro est unus Emmanuel in naturis
equidem duabus, sed unitus taliter, ut unum sit electrum, in quo nostri argenti fulgor crevit.
6 b. Crevit revera, crevit in tantum, ut nihil sit praeclarius; nam lux lunae lucem solis induit, dum non ad mensuram clarificando Deus hominem lux nubem lucem fecit.
7 a. Audi nos, homo, quem sic pater cuncta donans honorat.
7 b. Audi nos, pater, quem et Deus factus homo honorat.
8 a. Audite, pariles
Iohannes, qui quasi duo Cherubim vosmet respicitis,
8 b. Cum testimonio pari asseritis totum aureum propitiatorium.
9. Quod ut propitium sit nobis, vos orando impretate.