281. (18. ) De beata Maria Virgine.

1. Mater dilecta dilecti ex dilecto, dilectionis gratia plena, semper virgo, sancta Maria.

2 a. Nam ut ovum volucris fotu et calore animatum circumdare cognoscitur intra se fotum,

2 b. Sic tu integra divino calescens amore virum novum circumdabas iuxta Ieremiae praedictum.

3 a. Conceptum hunc

in utero sine tactu pudoris

genuisti

integra, non sentiens

partum doloris.

3 b. Tu es ergo

evangelicum illud patrisovum, scorpionis letifero veneno prorsus oppositum.

4 a. Quo veneno

infecti medullitus

4 b. Te benignam

pulsamus gemitibus,

5 a. Ut te iuvante antidotum

de tua carne confectum in altaris mysterio digne sumamus,

5 b. Ne ultra scorpio inficiat,

sed tuus amor foveat, quo fovente sanissimi semper vivamus,

6. Dilecti tuo

dilecto ex dilecto, dilectionis plena virgo.