276. (13. ) In Exaltatione s. Crucis.

1. Magnificate

2 a. Dominum mecum et exaltemus nomen eius in id ipsum,

2 b. Qui ascendit in

palmam, apprehendere fructus eius dulces.

3 a. 0 altitudo

atque profundum crucis purpuratae in Christi sanguine,

3 b. Quae caelo terram reconciliat, suprema contingens et ima penetrans.

4 a. Haec sursum corda stipite suo levat, quo exaltatus est per ipsam trahens ad se omnia,

4 b. Ut toto corde, tota anima, tota fortitudine diligatur nos in finem diligens.

5 a. Sed quia tunc vere diligitur Dominus, cum servus ut sese diligit conservulos, amicos et hostes pariter)

5 b. In ligno transverso sacri patibuli docemur

expansis manibus crucifixi dextros et sinistros amplecti.

6 a. Hoc signo consignati famuli clareamus conformes Domino,

6 b. Ut iugiter in nobis ferveat ipsius et fratrum dilectio.

7 a. Cuius ne tepescat ignis caelicus,

7 b. Ligna duo crucis, en, colligimus,

8. Per quae panis coquatur, quo Elias verus pascens pascatur.