264. (1. ) De sancta Cruce.

1. A solis ortu et occasu,

ab aquilone et mari, Christe, laus sit tibi,

2 a. Quattuor per crucis cornua viva pacis hostia,

2 b. Quattuor per mundi climata rumpens mortis vincula,

3 a. Non tamen in omni homine, sed in his tantum, qui te credunt et fatentur solum Deum,

3 b. Quem clamant evangelia quattuor Deum missum a patre Dominum Iesum Christum.

4 a. Peccati destruis corpus qui Deus, suis quattuor partibus quod construxit diabolus.

4 b. Quae sunt aspis, basiliscus et leo

simul et draco, quatriduanae mortis vocabula.

5 b. Quattuor quae crucis cornibus adfigens mortificas tuae carnis vulneribus.

5 a. Suggestio, delactatio, consensus, consuetudo mali, quibus perit homo.

6 a. His malis captivam Sunanitem animam ecclesia revocat ad te quater dicens ei:

6 b. Revertere, revertere, revertere, revertere despecta, crucis notans quadrangulum.

7 a. Hunc artos et dysis, anatole, mesis notant, qua suis in primis Adam literis signant nomine.

7 b. Quem disseminatum

his quattuor plagis terrae suis in filiis ad te revocas, bone crucifer.

8 a. Nam via crucis

quos ad te non trahis,

in quadrifida

nunquam

lucis gaudebunt patria.

8 b. In cruce iungis simul caelestia et terrestria, per tuum sanguinem cuncta pacificans.

9 a. 0 benedicte,

dum tu maledictum

factus es pro nobis,

maledictus

nam omnis, qui pendet

in ligno, nos facis

de maledictis benedictos.

9 b. Te adorantes, Iesu Nazarene, rex Judaeorum, in occulto, non in manifesto Iudaei, qui tuo imperio sunt intitulati.

10 a. Hanc tituli inscriptionem, inscriptam nobis spiritu sancto crucis charactere,

10 b. Ne corrumpi sinas in nobis in finem,

tu, finis sine fine, Dei patris nate.

11a. Cuius est imago

regis et superscriptio, quae moneta nos, dragma, quam invenisti.

11b. Quam inspicientes

patriae cives supernae dignantur suos conservos cognoscere.

12 a. Dominus quorum tu sicut hominum hinc, quod Deus homo factus es;

12 b. Angelum in caelo vitae confortans de morte hominem reparas.

13 a. Frumento et vino

stabilitus es nobiscum stayros in ara,

13 b. Panis angelorum

nos reficiens et vinum germinans virgines.

14 a. Corpore

qui tuo et sanguine, quos devirginavit Satan,

14 b. Nos tuos

revirgines, virginis fili, Deus benedicte,

15. Ut simus revirginati cum sancto sancti.