Godescalcus Lintpurgensis, Praepositus Aquensis, d. 1098.
265. (2. ) De beata Maria Virgine.
266. (3. ) In Assumptione beatae Mariae.
267. (4. ) In Divisione Apostolorum.
268. (5. ) De s. Maria Magdalena.
269. (6. ) In Conversione s. Pauli.
270. (7. ) In Decollatione s. Iohannis B.
272. (9. ) In Nativitate Domini.
273. (10. ) In Octava Epiphaniae.
274. (11. ) In Transfiguratione Domini.
275. (12. ) In Octava Pentecostes.
276. (13. ) In Exaltatione s. Crucis.
277. (14. ) In Exaltatione s. Crucis.
278. (15. ) In Exaltatione s. Crucis.
281. (18. ) De beata Maria Virgine.
283. (20. ) In sancti Petri ad Vincula.
284. (21. ) De ss. Iohanne Bapt. et Iohanne Evang.
1. Pater, da per verbum nobis septiformem spiritum,
2 a. Qui septena signacula dissignans doceat nos omnem iustitiam
2 b. Et devotas cor excitans in preces provehat per beatitudines.
3 a. Timor Domini, indicii claviger, Summo iudici nos prosternat, hactenus
inflatos et rebelles reddat supplices ac spiritu pauperes,
3 b. Legis apicem
et iota non solvere,
Fratri temere
non irasci
vel laeso
mox reconciliari,
sanctum fieri
orans nomen Domini.
4 a. Clavis pietas Christi scansionis peccatis
nostris adversanti legi donet consentaneos.
4 b. Adaperiens novum testamentum heredes
patris formet mites, petat, Dei regnum veniat.
5 a. Det scientia
resurgendi conscia
His paraclitum,
qui lugent, ut liberentur
mortis corpore,
quod repugnat animae.
5 b. Pellat etiam
a corde luxuriam, Nos erudiens flagitare, ut voluntas fiat Domini tam carne quam spiritu.
6 a. Qui esuriunt iustitiam, hos fortitudo reficiat, Christi tumulum recludens, quae scandalizant, membra proiciat, panem rogitet.
6 b. Dono parili consilium misericordes remuneret, Crucem reserans exoret pro inimicis, dimitti debita pacto postulet.
7 a. Intellectus, baptismatis dissignator,
7 b. Mundet corda, ut nesciat dextram laeva.
8 a. Unde Deum rogent mundicordes,
8 b. In temptationem ne inducat.
9 a. Similitudo
patris pacificis
Detur spiritu,
qui dat sapere,
qui Domini aperit natale,
9 b. Ducat ad vitam viam per arduam Per ieiunia, elemosynam, oramen a malo liberatos.
10 a. His muneribus cumulavit
patres Dei digitus: Adam nomina primitiva rebus cunctis imposuit, inspiratus dono sapientiae;
10 b. Noe habuit intellectum, Ahraham consilium, Fortis Isaac permanebat, scitus Iacob et Moyses legislator pius, David humilis.
11 a. Ergo pari
voto imploremus spiritum
septiformem, septuplum nos expurget tandem
11b. Et per septem gradus spiritales perducat
expurgatos ad ipsam contemplationem
12. Veritatis.