277. (14. ) In Exaltatione s. Crucis.

1. Magnificent confessio atque pulchritudo

2 a. Magni regis novam in cruce victoriam,

2 b. In qua triumphatus est mortis principatus.

3 a. Qua evacuatum est peccati veteris chirographum.

3 b. Qua paschalis agni immolatur victima pro ovili.

4 a. Qua torcular calcat, de Edom qui venerat et de Bosra.

4 b. Cuius antidotum serpentini vulneris sanat morsum.

5 a. Per crucem Deo

reconciliatur mundus,

per lignum nunc redemptus,

per lignum

in Adam venditus.

5 b. Per crucem astris sociatur matutinis factura novissima, restaurans caeli dispendia.

6 a. Crux, vitae lignum, vitam mundi portans atque pretium, tu vectrix es botri, nati in vineis Engaddi.

6 b. Christus, pax nostra, inimicitias solvens in te his, qui erant prope, dans pacem, et qui a longe.

7 a. 0 virtus crucis, mundum attrahis amplexando tuis hinc inde brachiis.

7 b. 0 excelsa crux, ima perforans, vinctos, quos absolvis, ad summa erigis.

8 a. Christus carnis templum, hac dierum summa constructum, quod tetragrammaton Adam graece colligit, in te dissolvendum obtulit sed ut mundum salvet quadrifidum, reaedificat post triduum.

8 b. Agne patris summi, cruce tollens crimina mundi,. da, ut in augmento caritatis, fidei, spei

stayros sacrosanctae valeamus

cum sanctis omuibus dimensiones comprehendere.

9 a. Ut proximis condolentes, carnem macerantes, crucis almae baiulos

tua trahas post vestigia.

9 b. Quo hic tuti et indemnes, ibi

ad tribunal, iudex, tuum simus

sanctae crucis per signaculum,

10. Annuntiantes in gentibus, quia regnavit Deus a ligno.