280. (17. ) De Angelis.

1. Michaei, Gabriel, Raphael, adestote,

2 a. Summae trinitatis nuntii summi,

2 b. Tres tribus officiis praepositi.

3 a. Nam tu sacerdotum Deo ministrantum comminister es, Michaei,

3 b. Iuxta aram templi director incensi aureum per turibulum.

4 a. Sed tu, Gabriel, sine fine Iesum nuntias regnaturum,

4 b. Contra peccatum administras regnum iustitiae invictum.

5 a. Tu, Raphael, medicando atque nuptias ordinando

5 b. Deo mentem, menti carnem casto socias coniugio.

6 a. Sic tus et aurum

murramque vos offertis et offerre docetis

6 b. Sacerdotale

regnum in castitate disponendo ecclesiae.

7. Quae sacrata ut regina coniuncta Christo iam plene vobis collaetetur, per vos vestrosque cives iuvetur.