Godescalcus Lintpurgensis, Praepositus Aquensis, d. 1098.
265. (2. ) De beata Maria Virgine.
266. (3. ) In Assumptione beatae Mariae.
267. (4. ) In Divisione Apostolorum.
268. (5. ) De s. Maria Magdalena.
269. (6. ) In Conversione s. Pauli.
270. (7. ) In Decollatione s. Iohannis B.
272. (9. ) In Nativitate Domini.
273. (10. ) In Octava Epiphaniae.
274. (11. ) In Transfiguratione Domini.
275. (12. ) In Octava Pentecostes.
276. (13. ) In Exaltatione s. Crucis.
277. (14. ) In Exaltatione s. Crucis.
278. (15. ) In Exaltatione s. Crucis.
281. (18. ) De beata Maria Virgine.
283. (20. ) In sancti Petri ad Vincula.
284. (21. ) De ss. Iohanne Bapt. et Iohanne Evang.
1. Summae trinitatis tres summi adestote angeli,
2 a. Tu purgator Raphael, illustrator Gabriel, consummator Michaei,
2 b. Nos purgantes macula, replentes scientia, consummantes gratia.
3 a. Nam tu purgator oculorum,
quos caecavit stercus avium,
et demonstras purgatorem cordium, quibus nocet foeditas cogitationum.
3 b. Sed tu, qui visum Danieli
pandis et secretum virgini, te ostendis
scientiarum ministrum, quae de sursum descendunt a patre luminum.
4 a. Tu, qui habes aureum turibulum cum incensis orationum,
4 b. Deum placas humilis altissimum, minister consummationum.
5 a. Ergo, quod Petros, Iohannes, Iacobus inter apostolos,
5 b. Hoc vos, Michael, Gabriel, Raphael, estis inter angelos.
6 a. Iacobus
et Raphael explantant
vitia,
Iohannes atque Gabriel
illustrant corda.
6 b. Tu, Petre,
tuque, Michaei, bini vertices,
perfectricis virtutis paris perfectores.
7 a. Tu draconem, tu Neronem humilias, tu angelum, tu hominem,
7 b. Hinc daemonum, hinc Romanum triumphantes in Domino principatum.
8 a. Michael
nam sonat: Quis ut Deus ? humilis at crucem gyrat Petrus,
8 b. Docentes
omnem gloriam caelo, terra soli Deo condebitam.
9 a. Sic ter terni docetis ordines, ter sanctus consone conclamantes,
9 b. Trinum atque
unum Deum, solum sanctum, sanctis cunctis praeferendum.
10 a. Ad huius sanctae
trinitatis cultum sanctissimum
10 b. Coniugatorum,
continentium atque rectorum
11 a. Vos ternos continue ordines vestro iuvamine
11b. Purgate, illustrate, humilitate, perficite.
12 a. Ut qui per superbiam, vanitatem, illecebram, heu, sumus oppositi patri, verbo, pneumati,
12 b. Iam per abstinentiam, oramen, elemosynam sobrie, iuste, pie vivamus Deo placite,
13 a. In sancta fide, spe, caritate sani, laeti, integri,
13 b. Ter sanctus clamantes dulcisone corde, ore, opere,
14. Simusque vobiscum grati summae trinitati.