272. (9. ) In Nativitate Domini.

1 a. Verbum aeternaliter unigenitum, infallibile principium,

1 b. Patris lingua, calamus, sapientia, virtus, ratio perpetua,

2 a. Vigor

lucis, aevum temporis,

mundi

mobilis rex stabilis,

2 b. Panis.

quo greges angelici

vivunt,

cives theologici,

3 a. Ut dragmam requireret decimam,

Lucernam accendit, tabernaculum in sole posuit, prodiit, quo flamma sui caloris testa duresceret hominis.

3 b. Ut ovem redimeret perditam,

Pastor bonus fit agnus ovis virginis, ros absque macula velleris,

quo primae nos bysso stolae ut sponsam revestiat gloriae.

4 a. Se nobis pabulum parvulis, potum, lac, butyrum praebens et solidum cibum.

4 b. In favo est mel hominis verbi, in manna Emanuel Israel veri.

5 a. Gustent Adae filii hunc suaviter adipem tritici, benedictum seminis Abrahae granum.

5 b. Virus vomant colubri desiderent fontem vivum cervi serpentis antidoto aenei hausto.

6 a. 0 magni

consilii angelus,

o pax, o veritas,

ad gemmam in caeno venis

e caelo.

6 b. Rex pie,

nos dirige in arta, qua cursitas, via, gigas, vita, flos de virga Maria.