CAPUT Vi.

De odoribus plantarum, et qualiter eae

odoribus complexio et natura plantarum indicatur, Odores etiam praecipue inveniuntur in vegetabilibus. Aliqua enim secundum totam substantiam suam sunt aromatica, sicut balsamus : alia autem in toto faetida sunt, sicut cocula foetida : quaedam autem habent corpora olentia, sicut aloe : sed fere omnium Hores et fructus redolentes sunt valde, et plus quam semina eorum : quoniam semina aut nihil redolent, aut parum : sed flos et fructus multum. In quibus autem multum redolet flos, quasi nihil redolet fructus, sicut est in rosa, et in vite. Odores autem non ita certificant naturam compositionis eorum et complexionis, sicut faciunt sapores, propter rationes superius inductas.

Est autem jam a nobis in aliis probatum, quod odor non est fumalis evaporatio : sed verum est quod vehementioris virtutis est, quae est ex evaporatione : et ideo odor aliquando indicat frigus complexionis, aliquando autem calorem. Omnes autem odores ex quibus sentitur mordicatio aliqua, aut etiam qui declinant ad dulcedinem, indicant calorem rei odorabilis : et haec est causa, quod dolorem capitis inducunt propter dissolutionem et evaporationem quam facit calidum. Est autem etiam ut plurimum verum, quod bene redolentia omnia, quae etiam aromatica dicuntur, calida sunt, exceptis istis dumtaxat, quae roralem habent odorem admixtum, qui est odor aliquid roris habens, et his quae in olfaciendo sedant anhelitum sive spiritum, sicut camphora et nenufar. Corpora enim istorum amborum non removentur ab odore secundum plurimum, eo quod aliquid substantiae vaporantis cum

odore venit ad cerebrum et infrigidat

ipsum. In quibuscumque autem odoribus sentitur acetositas aut palustris odor qui est sicut catecum et scirpi, aut etiam odor roralis, sunt secundum plurimum frigidi : et his associandi sunt de quibus diximus qui sedant anhelitum, etiamsi sint aromatici, sicut camphorae odor. Odor enim floris qui. vocatur nenufar, in palustribus crescit : et ideo quid de palustri habet odore.

Diximus autem in libro de Anima, quod odores secundum plurimum sociantur saporibus, et nomina habent ipsorum : et ideo de differentia odorum in vegetabilibus specialem non oportet facere disputationem : prave enim homo odorat, et ideo differentias subtiles odorum non deprehendit. Quamvis autem non certificat odor sicut sapor in vegetabilibus, tamen satis certificat partem substantiae rei vaporabilis. Sapor autem ut in pluribus certificat de toto. Sed hoc non est praetereundum, quod poma redolentia cujuscumque generis sint, si saepe attrahatur aut exprimatur odor eorum, citius corrumpuntur. Dico autem attrahi odorem, quasi sugendo : quoniam per spiritum anhelitus quasi sugitur ex ipsis odor. Exprimi autem voco quando premuntur aut revolvuntur manu, ut currat in eis humidum, et spiret in eis odorem : vix enim aut numquam spirat odor, nisi aliquid pomi substantiae spiret cum ipso, et cum hoc continue fit, corrumpitur : quando autem talia in locis frigidis reponuntur, ita quod sit frigiditas reprimens et non congelatis et mortificans conservantur diutius : et simile est de omnibus aromaticis, sicut patet in cam- phora quae in psilllo quod est frigidum, conservatur, et acri calido exposita statim exspirat. Aqua autem rosacea quando fuerit bona et bene aromatica ad solem exspirat, et in frigido loco conservatur. Cum autem duo sint in plantis secundum plurimum redolentia, flos videlicet et fructus, erit fructus quando redolet, fortioris odoris, et flos minoris odoris in pluribus : quoniam humidum spirituale magis abundat in fructibus quam in floribus, et flos est rarioris substantiae quam fructus, et ideo minus de odore emittit.

Haec igitur sunt quae de odoribus plantarum dicenda esse videbantur.