N

Nascibilis. II, 349 A, Meum vero mortalem negat, quem nascibilem confitetur.

Nasus, II, 984 B, Et qui naso non deridetur: sic reddidit Pauli verbum, Gal. VI, οὐ μυκτηρίζεται. Hesych. μυκτηρίζει, χλευάζει, καταγελᾷ, ἀπὸ τοῦ μύζειν τοῖς μυκτῆρσι.

1335A Natales, origo, initium. I, 1256 B, Igitur natales impatientiae in ipso diabolo deprehendo: sic, lib. I adv. Marc., natales agnitionis dixit, et lib. de Pallio, natales mundi.

Natatilis. II, 228 B, Ut ex aquis natatiles et volatiles animae.

Natura. I, 811 A, Et dispositione naturae. Ms. Fuld. divinae naturae, et adscripsit, qui illam collationem dedit, seu Modius, Scioppius: dictum profecto gravius, et verbis Christi conveniens. I, 471 A, Jure naturae matris unius.

Naturalis. II, 894 B, Naturale vocabulum est foemina, naturalis vocabuli generale, mulier. Naturale vocabulum i. e. a natura commune omnium animantium, quae discernuntur sexu. Generale, quod distinguit in humano genere; huic subditur speciale.

Naturalitas. II, 722 B, Qui ergo de somni naturalitate dubitabit.

Naturificatus. II, 584 B, Naturificatae jam spiritalis conditionis germanitate.

1335B Naufragium. I, 695 A, Inextricabile impactis naufragium est, Graec. ναυάγιον ἄφυκτον, quod vitari non potest. Qui in scopulos impingunt, navemque frangunt, sese extricare sive expedire a periculo non possunt.

Navicularius. II, 374 B, Aliud est, si affectavit de naviculariorum collegio allegere.

Navigare. I, 695 A, Inter hos scopulos et sinus, inter haec vada et freta idololatriae velificata spiritu Dei fides navigat.

Necessarius. I, 1310 A, Operas plures et necessariores. II, 768 A, Quasi necessarius aliquid afferrent eo, pro magis necessarium. I, 1266 A, Ubi major injuria, ibi necessarior injuriae medela. II, 1002 B, Nisi ut perpetuo ad necessariora constringant.

Necessitas. I, 273 A, O sententiam necessitate confusam, i. e. quae necessario aliqua ex parte contra justitiam peccat. Vel potius: qua occurrere volens Trajanus et odio in Christianos et justae eorum caussae parcere, neutri bene satisfacit. I, 275 A, Necessitas, 1335C quam leges injustae adversus Christianos latae judicibus imponunt. I, 345 A, Ut quisque dominum sanctiorem expertus est domesticam necessitatem. Sens.: Revera illi cognoscunt, nihil sibi boni a diis istis accedere qui majori vi subjecti sunt, necessitati nempe domesticae. II, 385 C, Quoniam humanam apponit necessitatem quasi deprecatricem. II, 93 A, Non admittit status fidei allegationem necessitatis. II, 93 B, Quibus familiarissima est advocatio necessitatis.

Negare. II, 246 C, Qui Euxinus natura negatur, h. e. fallit mendacio cognominis, cum ob ingenium loci ac feritatem naturae ἅξενος dici debeat. Ovid.: Quem tenet Euxini mendax cognomine Pontus; II, 247 A, omnes negantur, i. e. cohibentur glacie, fluere non possunt. I, 324 A, Alioquin negandi, si non gustassent, i. e. negandum esset, eos esse Christianos, si non gustarent sanguinem, quem tantopere dicuntur appetere.

Negator. II, 95, A, Ita fidem meam deferens, negator invenior.

Negotium. II, 285 A, At nunc negotium patitur 1335D Deus, i. e. facessit Deo negotium Marcionitarum temeritas et audacia, qui sibi alium deum ab Omnipotente confinxerunt. II, 905 B, Nam foeminas quidem a duodecim annis, masculum vero a duobus amplius ad negotia mittunt, i, e. statuunt sui juris esse quasi e repagulis alienae auctoritatis eximant: dant negotiorum gerendorum potestatem, de jure phrasis. II, 649 B, Ex negotio curiositatis, II, 888 B, Proprium jam negotium ex passus meae opinionis, i. e. qui antea fui occupatus in ponenda graece opinione mea de velandis virginibus; ita Jun. explicat, sed Rigaltio videtur, disputatione quadam adversus Graecos, cum et virgines velari oportere acrius forte asseruisset, Graecorum conviciis exceptus ac pro haeretico exagitatus fuisse.

Neophytus, νεόφυτος: is qui recens ad fidem christianam accessit, II, 57 A, 268 B.

Nepotari, luxuriose et profuse vivere. I, 513 A, Sub magna gravitatis superficie nepotatur.

1336A Nervus. II, 786 B, Per illum nervum umbilicarem, i. e. venarum et arteriarum compaginem, quatenus collatis in umbilicum fibris coeunt. I, 623 B, Nihil crus sentit in nervo. Nervus est ligni genus, quo crura disjuncta et luxata frangebantur. In leg. XII Tabular. Secum ducito; vincito; aut nervo aut compedibus quindecim pondo, etc. Vetus gloss. nervus, ξυλοπέδη. I, 512, Alii ad incestam libidinem nervi.

Nidor. I, 407 A, Pabula propria nidoris et sanguinis, libaminibus et sacrificiis; sed hoc in loco forsan loquitur de sacrificiis generatim, non de necromanticis.

Nimietas. II, 236 A, Inapprehensibilis prae nimietate certaminis.

Nobilis. II, 150 C, Num ergo et Apostolorum literae nobiles, i. e. nonne sunt omnibus notae, clarae, manifestae? Exemplar Ursini habet mobiles, i. e. quae sapiunt praeterquam sonant, et aliud est in vocibus, aliud in sensibus. Praefert tamen Rigalt. illam priorem lectionem. Jun. legit nubilae, i. e. nube obscuritatis et caligine offusae, ne intelligantur.

1336B Noeros, Νοερὸς, mentalis, intellectualis; alii legunt noetos, νοητός, ut Iren. II, 574 B.

Nomen, religio christiana. I, 278 A, De eo nomine excludamur, i. e. desinamus audiri Christiani, christianamque repudiemus religionem. I, 280 A, Quos retro ante hoc nomen, i. e. olim, antequam fierent Christiani. I, 1252 A, Nomen cum familia ipsius persequentes, i. e. religionem christianam et sectatores ejus. I, 661 A, Persecutores dominici nominis. I, 525 A, Tu, homo, tantum nomen, i. e. ingens momentum, magna gloria. II, 890 A, Et totum arboris nomen expanditur, i. e. quidquid significatur arboris nomine. II, 800 A, Et de isto quoque nomine periturae in nullum inde nomen. Post cadaveris nostri corruptionem, nullum est destinatum nomen, quo materia illa, quae fuerat humani corporis, signetur. Hoc vocat mortem vocabuli.

Nicolaitae. II, 63 B, Quod totam istam haeresin Nicolaitarum, etc. Significantur illi Actor. XX, his verbis: Λαλοῦντες διεστραμμένα. Auctorem hujus sectae 1336C faciunt Nicolaum, unum e septem Diaconis, Tertullian. hoc in loco, Epiphan. Haeres. XXV; Clemens Alexand. Strom. II et III; Hieronym., epist. de Fabiano et ad Ctesiphontem; Euseb., lib. III; Philastrius Brixiensis, lib. de Haer.; Theodoret., Haer. fab. lib. III, Augustin., Haer. V; et alii innumeri. Ignatius tamen, scrupulum injicit, qui epist. ad Trallianos: Φεύγετε καὶ τοὺς νικολαΐτας, τοὺς ψευδονύμους. Adde plerosque illorum patrum dubitanter loqui de Nicolao illo, in quem facile fuit illud rejicere propter vitae sordes et mores corruptissimos.

Nota. II, 17 B, De pejoris quoque notae tentationibus. Metaphora a mercibus aut vini generibus, quae solebant distingui notis, atque ex iis internosci. II, 254 A, Nec sono, nec notae nominis hujus, i. e. scripturae nominis. I, 1238 A, Quis miles, postquam castris suis emissus, pro notis suis satagit. Notas militares dicit, quibus miles denotatur ob delicta militaria, puta si fuerit emansor, desertor, seditiosus, etc. I, 1248 B, Peccator enim omnium notarum cum sim.

1336D Novellitas, de eo quod recens ortum est. II, 157 A, Ipsa novellitas Praxeae hesterni. II, 697 C, Neque mendacium devitat novellitatem.

Novellus, recens. l, 392 A, Quam aliquanto novellam.

Novianus. II, 1042 B, Fullones Noviani. Novius poeta fabulam edidit Fullones inscriptam, quo in verbo inest nefanda obscoenitas.

Novitas. II, 1030 C, Novitate felices vocat Carthaginenses, quia Carthago juris italici facta erat, beneficio Severi imperatoris, cujus tempore libellum de Pallio scripsit Tertullianus.

Noxius. I, 372 A, Mercenarius noxius. Gothofredus noxium pro obnoxio capit; Rigaltius non bona fide ait versatum, quia toties dentes bestiarum eluserat. Malim hoc in loco noxium intelligere eum, qui, cum nullam habuisset necessitatem pugnandi cum bestiis, inter noxios illis non addictus, tamen lucelli cupiditate, mercede pacta, ipse se lanistae tradiderat.

1337A Nubere. II, 198 A, Nubit assidue, i. e. polygamiam probat quacumque specie, et nuptias imperat sine ullo discrimine. Sic legem Dei in libidinem defendit.

Nubes. I, 417 A, Alias, si hoc putatis, scil. fieri oportere, nubes numeret orans. Christiani plerumque conveniebant in areis, ibique orantes, coelum suspiciebant absque aris, absque statuis: eos igitur ethnici deridebant, quasi nubes orando numerarent.

Nubilum. II, 597 A, Singulorum nubilo quodam veritas obumbrabatur, i. e. nubilum ignorantiae obumbrabat in singulorum mentibus veritatem. II, 247 B, Nubilo obscurior.

Nucetum, locus est nucibus arboribus consitus, a nuce, ut quercetum a quercu, lauretum a lauro. II, 575 A, Sic et in coelestibus nuceta praesumpsit.

Nuditas. II, 706 B, Nec cineribus indulgetur nuditate plectendis, quia sicariorum cineres non vestiuntur aut conduntur urna.

Nudus. II, 247 A, Libido nuda, non tecta, sed 1337B oculis spectantium exposita: nam ex contrario sequitur, etiam cum abscondunt libidinem, suspensis de jugo plaustri, in quo libidinantur, pharetris, ut judicibus notantur. I, 301 A, Theatra nuda, i. e. sine tecto. Tegebantur enim ad arcendum solem.

Nullificamen, ἐξουθένημα. II, 330 A, Et nullificamen populi, quod II, 639 A, dicit et abjectionem populi.

Nullus. II, 134 A, Nulla sunt vulnera, i. e. non aestimantur, licet sint. Rigalt. retinet vulgatam lectionem, non nulla vulnera, hoc sensu: Nulla sunt praelia, quia nullus hostis, sed tamen non sunt nulla vulnera, quia strenue ac fortiter decertant ac vulnerantur.

Numerare, i. q. censere. II, 116 C, Sanguine numerati, i. e. quorum facies notatae sanguine.

Numerose. II, 167 D, Ut numerose loqueretur, i. e. pluraliter, ut ante dixit sine plurali numero.

Nundinare. II, 907 A, Laudabo vigorem, si aliquid et apud ethnicos virginitatis nundinarint, i. e. si tantum 1337C illis in sua virginitate constantiae suppetit, ut ejus etiam exempla proponere audeant, unde ethnici sumant quod imitentur. Metaphora a rebus promercalibus, quae in nundinis omnium oculis proponuntur.

Nundinatitius. II, 892 B, Propter ejusmodi igitur capita nundinatitia, i. e. in publico sese exponentia tanquam in nundinis.

Nus, νοῦς. II, 62 A, Basilides esse dicit summum deum nomine Abraxam, quo mentem creatam, quam graece νοῦν appellant. II, 552 A, 573 B, Eumdem autem demiurgum νοῦν filium effingeret. II, 666 A, Proinde et animum, sive mens est, νοῦς apud Graecos, non aliud quid intelligimus quam suggestum animae ingenitum et insitum, etc.

Nusquam. II, 228 B, Nusquam fiet, ex Is., XXXIV, 4, οὐδέποτε γενήσεται.

Nutare. I, 516 A, Eo magis scrupulositas humana fidem aspernata nutabat, i. e. qua incertitudine et instabilitate confuderunt conturbaruntque etiam quod 1337D certum in Scripturis invenerant.

Nutus. II, 1043 B, Nutu tradere. Est deridentium et improbantium aliquid clanculum inter se, quod palam facere non sit impune vel decens, cum neque conjectis in hominem oculis, neque protentis digitis id facere licet; tum clanculario saltem nutu demonstrari potest.