G

1308A

Galaticari. II, 973 A, Horum igitur tempora observantes et dies et menses et annos, galaticamur plane, i. e. Galatas imitamur, insanimus ut Galatae, judaizamus ut Galatae. Sic ab ingenio Cilicum fraudulento verbum ἐγκιλικίζειν formavit Pherecrates comicus, ad fraudes et imposturas deorum gentilium significandas, ἀεί ποθ᾽ ἡμῖν ἐγκιλικίζουσ᾽ οἱ θεοί, imponunt et illudunt nobis Cilicatim.

Galaticus, coccineus. II, 1045 A, Galatici ruboris superjectio, est pallium cocco galatico infectum. Plin., H. N, lib. IX, cap. 41.

Galerus, matronarum Cereris sacerdotum erat crinium attextorum compositio in modum galeri facta, quibus matronae maxime caput velabant. II, 1045 A, Ob notam vittae (non vitae) et privilegium galeri.

Garamantes. II, 903 A, Aut pennas Garamantum. Fuerunt Garamantes populi Africae, latrones plurimum, ut narrat Plinius, H. N., lib. V, cap, 6; qui ut 1308B horridiores viderentur, magisque terrori essent Africanis, pennis sese instruebant horribilium quam maxime poterant animalium, qualia idem auctor narrat lib. VIII, cap. 21. Junius mavult aut pinnas Garamantum, i. e. intortos crinium plexus, ad formam pinnae in galeis militum aut Samnitum gladiatorum, quos Martialis notavit lib I Epigram. 3, Atque aliter tortis crinibus Aethiopes, his enim vicini Garamantes.

Gehenna. I, 520 A, Si gehennam comminemur, quae est ignis arcani subterraneus ad poenam thesaurus. I, 1247 A, Gehennam in corde considera. II, 437 A, Quia post illam clibanus vel furnus gehennae sequatur.

Gemonius. II, 590 B, Per gradus revera Gemonios; hi Romae fuerunt in Aventino, regione urbis XIII, prope fabariam porticum. Dicebantur et scalae Gemoniae, ad quas damnatorum corpora struebantur, et proponebantur ostentui, donec unco traherentur in Tiberim. Ad hunc infamem locum respexit Tertullian. cum diceret: alium ex alio fructum.

1308C Generositas. II, 478 A, Et christianismi generositatem in filio Abrahae ex libera nato, allegoriae habere sacramentum, sicut et judaismi servitutem legalem in filio ancillae. II, 658 B, Ut natorum suorum generositatem de pupillarum audacia judicent, de aquila.

Geniculatio, genuum flexio. I, 703 C, Quando non geniculationibus et jejunationibus nostris etiam siccitates sunt depulsae. I, 1222 B, Jejuniis et geniculationibus et pervigiliis orare oportet.

Genimina. II, 718 A, Genimina sua daemoniorum candidata profitentur.

Gens. II, 246 C, Gentes ferocissimae fuere Sarmatae, Geloni, Massagetae et genus universum populorum hamaxobiorum.

Genticus. II, 718 B, Pro gentica devotione. Ita Tacitus morem genticum dixit lib. VI Annal.

Gentilitus. II, 1040 A, Quarum pars gentilitus inhabitatur, i. e. a gentibus particularibus.

Genuini, dentes posteriores qui cibum conficiunt. II, 662 B, Deprome genuinos. II, 1042 A, Genuini inter 1308D antias adumbrati.

Ginatem. II, 234 B, Mediar quod aiunt ginatem. Sensum nullum fundunt haec verba; reponenda itaque illa lectio quam exhibent omnes, mediae quod aiunt aginae; is motus scilicet, qui adeo temperatus, ut nullam in partem vergat parsque nulla praeponderet. «Est enim, ut docet Festus, agina foramen, cui inseritur et in quo vertitur scapus trutinae.»

Gluten. II, 988 B, Literae ipsae glutina nostra sunt.

Gomphus, γόμφος, clavus. I, 340 A, Cervices ponimus ante plumbum et glutinum et gomphos. Tria, quae circa capita deorum, qua statuis imponebantur, fiebant, recenset Tertullianus; plumbum, quod in aureis, argenteis, stanneis, plumbeis fiebat simulacris; glutinum, quod in ligneis et ex argilla confectis; gomphos, quod in colossis, ubi caput cervivicibus clavis ferreis affigebatur.

Gradus, de tempore. I, 391 A, Per duos gradus, 1309A est praeteritum et futurum. II, 22 B, Cedo nunc sponte de gradu isto. II, 512 A, Ut jam et Marcion de gradu cedat. II, 993 B, Decedam nunc paulisper de gradu isto. Omnes metaphorae ab athletis sumptae jam congredientibus. I, 436 A, Ad quod necesse habeo eodem gradu occurrere, sumptum a gladiatoribus, qui cum antagonista decreturi gradum figunt, et ictus declinandi caussa cedentes iterum procedunt, et eodem gradu consistunt, obviam euntes renituntur. Sens.: ad quod necesse est eodem argumento ac telo uti. II, 260 A, Cum Deum hoc gradu expellimus, i. e. quum Deo hanc potestatem, vim creandi, adimimus. II, 377 A, Dum te, Marcion, de gradu pellam, h. e. convincam te falsi, et tuas rationes infirmabo. II, 654 C, Si non hujus definitionis gradum exclusero, h. e. ostendero definitionem consistere non posse, neque rem. Haec omnia a colluctatoribus sumpta, significant adversarium confutare, et in certamine disputationis superare. II, 797 B, Dejectus enim unusquisque vel motus de gradu ejus spei, quam susceperat, 1309B i. e. qui jam spem abjecit, in qua innitebatur alienis persuasionibus inductus. II, 368 A, Sed alium jam hinc inimus gradum, i. e. novum inire certamen, vel saltem novo modo, vel, re una jam improbata et labefactata, ad alterius eversionem sese accingere. II, 321 A, Hinc denique gradum confero. II, 599 A, Igitur gradum conferamus. II, 609 C, Igitur in isto gradum conferamus, κατάρχεσθαι τῆς μαχῆς, auspicari certamen disputationis, ad rem propius accedere. II, 452 B, Sed in alterius quaestionis gradum dirigo, i. e. ad alteram quaestionem expendendam me comparo. II, 363 C, Et possem hic jam gradum figere. II, 495 A, Atque adeo recte hunc gradum figimus, et multis aliis locis. Translatio ab athletis in certamine congredientibus, est sententiam semel conceptam acriter defendere, in eaque persistere aut premere argumentum suum, ut loquitur Cicero, vel in unius rei diligenti pensitatione immorari, et nullis uti excursionibus a re alienis. II, 971 B, Movistis 1309C igitur gradum excedendo traditionem, cum quae non sunt constituta obitis. I, 433 A, Provocati ad sacrificandum obstruimus gradum perfidiae (alii pro fide) conscientiae nostrae, h. e. constanter obsistimus, obnitimurque, omnes introitus in animos nostros occludimus. II, 29 A, Hunc igitur gradum potissimum obstruimus, i. e. hoc primum opponimus, a congressu removemus. II, 248 A, Sed alius libellus hunc gradum sustinebit adversus haereticos, i. e. suscipiet hujus rei defensionem. II, 324 A, His praeluserim, quasi de gradu primo adhuc. Solebant gladiatores ante justum cum antagonista certamen ostentandae artis et oblectandi spectatores caussa praeludere. Est igitur levia et quasi ludicra afferre argumenta et imbecilliora, initio, antequam ipsum robur argumentorum depromatur. II, 1023 B, Sed et in hunc jam gradum decurram, i. e. sed et ad hujus rei disquisitionem me comparabo. II, 470 B, In ipso gradu provocabimus praescriptionis. II, 159 A, Hoc mihi et in tertium gradum dictum sit, i. e. personam ordine 1309D tertiam. Vid. etiam col. 157 C. II, 164 C, Ut tertium gradum ostenderet in paracletum. II, 433 B, Ea si regno accedunt, secundo gradu restituenda; ejus est secundus gradus, cujus et primus.

Graecari, Graecorum mores imitari. II, 1048 A, B, Nisi aura minime graecatur. Barth. in Adv. interpretatur: graece colitur.

Graecatum, more graeco. II, 1045 A, Et crepidae graecatum Aesculapio adulantur.

Graecia, impudentia Graecorum mendacissimorum. II, 1037 A, Ridebis illico audaciam et Graeciam nominis; alii audaciam egregiam nominis; alii Graeci jam nominis; Turneb. et gratiam nominis. II, 972 B, Per Graecias, per varias Graeciae provincias, in quibus varia concilia coacta sunt.

Grama, λήμη, vitium oculorum, ut Festus docet, sive pituita oculorum. II, 578 A, Et limum ex pituitis et gramis sophiae.

1310A Grandis. I, 452 B, Grande videlicet officium focos et thoros in publicum educere. II, 1032 B, Aptas sane grandioribus fabulis.

Gratia. II, 131 B, Martyrium enim non de communi aliqua malitia certat cum idololatria, sed de sua gratia, i. e. certamen non est inter duo mala, utrum sit potentius, sed martyrium certat de sua gratia, de suo bono, quod ab idololatria liberat. II, 309 A, Querela ergo major Aegyptiorum, an gratia Hebraeorum? Gratia quae eis debebatur, quamque meruerant, i. e. merces.

Gratiositas. II, 255 B, Ipsamque naturalem novitatis gratiositatem volui repercutere.

Gratuitus. II, 726 A, Denique et bona facta gratuita sunt in somnis, et delicta secura.

Gravitas. I, 1325 A, Respectu obediendae gravitatis. Gravitas, σεμνότης, virorum est obedienda, i. e. cui foeminas obedire oportet, propter metum debitum Domino. II, 550 A, Ne gravitate adorentur. Vid. Adorare.

1310B Gubernaculum. II, 22 C, Certare cum interpretationis gubernaculo, i. e. cum ratione, cum disciplina rationis, quae omnem interpretationem gubernare debet, et in ea semper regnare.

Gula. II, 133 B, Evulsum enim hominem de diaboli gula per fidem. II, 958 B, Salutem gula vendidit. II, 977 A, Ille denique idolo gulam suam mactat. II, 281 A, In gulam committunt, i. e. ei ipsi nocent, qui gulam suam obruerit cupediis. II, 800 A, Et ipsorum temporum propria gula. Rhenan. putat alludere Tertullianum ad Vedii Pollionis gulosam saevitiam, qui damnata mancipia vivariis muraenarum immergebat, non tantum ut totum hominem pariter distrahi spectaret, quod Plinius tradit, verum etiam ut humana carne in piscibus vesceretur. Conf. II, 1048 B, sq. Possit tamen etiam de ipso tempore intelligi, nam tempus edax rerum. I, 632 C, Et gulam ad gulae crimen, i. e. ad gulae intemperantiam. II, 965 C, Verisimile non est, ut quis dimidiam gulam 1310C Deo immolet, aquis sobrius et cibis ebrius.

Gymnosophista. I, 490 B, Neque enim Brachmanae aut Indorum gymnosophistae sumus, sylvicolae et exules vitae. Brachmanae philosophi fuere Indorum, qui et gymnosophistae a nuditate corporis praeter eas partes quas occultas voluit natura, sic dicti sunt, licet nonnulli a Brachmanis diversos fuisse gymnosophistas asserant. Dicuntur vero sylvicolae, seu quod in sylvis viverent, ut Druidae apud veteres Gallos, seu quod alieni essent ab iis rebus eoque cultu, quo vita hominum communis fruitur. II, 260 C, Indorum gymnosophistae.