13. In Revelatione s. Benigni.
30. De ss. Georgio et Aurelio.
31. In Translatione s. Gerar di.
32. De s. Gregorio Lingonensi.
36. De s. Jacobo Tarentasiensi.
60. In Revelatione ss. Mauritii, Exuperii et Candidi.
63. De ss. Maximo et Venerando.
68. In Translatione s. Moderanni.
77. De s. Petro Tarentasiensi.
78. In Translatione s. Philiberti.
90. De s. Stephano Grandimontano.
In 1. Vesperis.
Ad Magnificat.
A. Cum gaudio celebrent
ecclesiae filii
diem festum sancti
praesulis Silvini,
qui venerabilis
vitae studiis
hic placuit altissimo
et nunc in coelestis
senatus curia Deo
conjunctas est cum gaudio.
Ad Matutinum.
Invitatorium.
Viva fide adoremus
filium Dei vivi,
Jesum regem regum,
qui corona vitae
Ditavit Silvinum
praesulem suum.
In 1. Nocturno.
Antiphonae.
1. Sanctus antistes Silvinus
In tellure Tolosana
Claris fuit parentibus
Legitime generatus.
2. Sed cum esset hic sanguinis
Nobilitate splendidus,
Adornari concupivit
Sanctitatis operibus.
3. Nam ut annos infantiles
Pertransiit, jam adultus
Deum coepit tota mente
Fideliter diligere.
4. Qui virginis imitator
Evangelistae Johannis,
Quam uxorem desponsavit,
Propter Deum dereliquit.
5. Cum beatis mundo corde
Atque castis in corpore,
Hic studebat, ut videre
Deum posset sine fine.
6. Lux divina Thervanensi
Tunc illuxit regioni,
Cum Silvinus vir beatus
Illuc venit destinatus.
Responsorium.
E. Haec inter juvenis
tandem desponsat amantem,
Sic consultus ab his,
quos patres contulit orbis,
V. Obedivit eis
pro carnis lege fidelis.
In 2. Nocturno.
Antiphonae.
1. Qui doctrinis enituit,
Enituit et exemplis,
Nam quod ore praedicavit,
Id opere confirmavit.
2. Ibi Deo multam plebem
Acquisivit praedicando,
Quam et ipsi commendavit
Obsecrando et orando.
3. Hospitibus et egenis
Tamquam Christo serviebat
Atque eis oportuna
Humiliter ministrabat.
4. Gladiator si adesset,
Non fugeret martyrium,
Sed offerret ultroneus
Amputari capit suum.
5. In stadio vitae brevis
Hic cucurrit legitime,
Ut bravium immortalis
Digne possit percipere.
6. Post expletum vitae cursum
Receptus est in gloria,
Regnaturus cum angelis
Per saecula sine meta.
Responsorium.
R. Ut sentit fraudem,
versutum conterit anguem
Orando, flendo,
jejunia longa trahendo,
V. Nocte vigil tota
sternendo carnea probra.
In 3. Nocturno.
Ad Cantica.
A. Iste sanctus non speravit
In pecuniae thesauris
Et post aurum non abiit,
Sed confisus in Domino
Germinavit ut lilium
Et nunc floret sicut palma
Nec marcescit in aeternum,
Viget enim ante Deum.
Responsorium.
R. Vas Domini plenum
post tot discrimina rerum,
Ut ter decoctum
rutilans fornacibus auram,
Regressus Morinis
celebrat documenta salutis.
V. Missum de caelis
lumen, casa munda tonantis
Praesul in officiis
celebrat documenta salutis.
In Laudibus.
Antiphonae.
1. Cum sabbatum sit requies,
Hic migravit in sabbato,
A labore quiescere
In sempiterna requie.
2. Exsequiis hujus sancti
Sacerdotes et clerici
Adfuerunt, coenobitae
Et virgines consecratae.
3. Quidam laudes personabant,
Quidam dulces fletus dabant,
Quod in coelo sit receptus.
Et quod pie sit plangendus.
4. Benedicite Domino,
Qui Silvino antistiti,
Quae praemia promeruit,
Aequa lance rclibravit.
5. Laudes ipsi celebremus,
Qui praesentem ecclesiam
Atque eam frequentantem
De Silvini sanctae glebae
Laetificat praesentia.
Ad Benedictus.
A. O Silvine, pie pastor,
O Silvine, praesul sancte,
Qui jam regnas cum angelis
Coronatus in gloria,
Ibi nostri memor esto,
Pie pastor, funde preces
Tu pro nobis, ut possimus
Illic tuo sociari
Collegio.
In 2. V esperis.
Ad Magnificat.
A. Silviuus, Christi crucifer,
Annis totis quadraginta
Herba contentus sobria
Tendebat carnis tympanum
Ad dulce cordis organum,
Inde Deo harmonicam
Laudum ructabat hostiam
Et virtutum melodiam.