57. De s. Maria Aegyptiaca.

In 1. Vesperis.
Ad Magnificat.

A. Gloriosa jam per orbem

rutilant solemnia,
Qua coelestem sumpsit vitam

Maria Aegyptia
Luce vernans speciosa

turmas inter coelicas,
Cujus nos, Jesu benigne,

jam tuere precibus,
Ut cum ipsa te laudare

possimus per saecula.

Ad Matutinum.

Invitatorium.

Aeternum trinumque Deum

laudemus et unum,
Qui sibi Mariam

transvexit ad aethera sanc-
tam.

In 1. Nocturno.
Antiphonae.

1. In Zosima claruit
Mira Dei gratia,
Cui nulla placuit

Mundi hujus gloria.

2. Puer mundum Zosimas
Et puerum exuit
Et leges sanctissimas
Monachorum induit.
3. Repentina vox divina
Sicut eum docuit,
Infra chorum monachorum
Salvatorem coluit.
4. Infra gregem sanctam legem.
Zosimas sic tenuit,
Quod priorem meliorem
Ibi nullum habuit.
5. Onus erat fratribus
Gratum, in nemoribus
Herbis atque floribus
Vivere radicibus,
Ut salvarent animas.
6. Ibat more solito

Per nemus abscondito,
Quando vidit subito
Plenus omni merito
Mulierem Zosimas.

REesponsoria.
I. Post inventam feminam

Culpam flentem pristinam

Eremita graditur,

Respuens socium

Neminem mortalium
Sibi jungi patitur,

V. Senex currit,

sed illa levius
Praecucurrit
et multo citius.

2. Dei servus ad se redit,
Rationi mens obedit,
Pro Maria apud Deum
Se fatetur esse reum,

V. Verbo precis anxiae
Munus petit veniae.

In 2. Nocturno.
Antiphonae.
1. In devotis precibus
Exsistens Aegyptia
Cum membris mortalibus
Jam petit coelestia,
2. Videns sursum dominam
Zosimas obstupuit
Et dediscens feminam
Monstrum esse placuit.

3. Dum ancilla Dei illa
Vidit senem dubium:
Dei plasma non phantasma
Sum, ait ad socium.

Responsoria.
4. Peccatorum ad exemplum
Intrare nequivi templum,
Ut peccantes per me discant,
Quod de malis resipiscant,
V. Mox veniae peto munus,
Quod non differt Deus unus.

In 3. Nocturno.
Responsoria.
1. Veneremur

omnes Aegyptiam
Revertentem

ad coeli patriam,
Coeli fertur

cum sacris epulis
Carnalibus

soluta vinculis;
V. Hacc peracto

carnali proelio
Sociatur

coeli collegio.

In Laudibus.
Antiphonae.

1. Laudibus est dignus

multis rex ille benignus,
Qui de morte piam
voluit servare Mariam.

2. Nobis esse bona

dignare, Maria, patrona,
Quod cum corde pari
tua festa vides venerari.
3. Ad te clamantes

pariter, Deus, et vigilantes
Fac illud petere,

quod scis tibi posse placere.
4. Victor et invictus

leo Christus sit benedictus.
Et nos psallentes

benedicat se venerantes.
5. Rectorem caeli

laudemus mente fideli,
Ut cum laude pia

nos adjuvet alma Maria.

Ad Benedictus.

A. Gloriosa Dei sponsa,

Quamvis modo sis absconsa
In sponsi tui thalamo,
Nos daemonis laesos hamo
Prece tua perpetuae
Sanitati restitue,

Nunquam, mater, sis oblita
Nos precantes in hac vita.

In 2. Vesperis.

Ad Magnificat.

A. O Deus ineffabilis,
Per omnia laudabilis,
Qui omnes, quos vivificas,
Miro modo mirificas,
Da, ut sancta oratio
Mariae sit placatio
Irae tuae pro omnibus
Laudi tuae adstantibus.
. Vale, dulcis Aegyptia,
Aeterna fruens gloria.