2. De sancto Agrippam.

In 1. Vesperis.

Super Psalmos.

A. Eja, deprecemur Deum,
Ut visitet suum clerum

Et defendat populum
Per martyrem suum sanctum,
Quem amavit, decoravit

Praesulem Agrippanum.

Ad Magnificat.

A. Martyr sacer et insignis,
pontifex Agrippanus
Qui exsultas cum praeclaro
beatorum agmine,

Te precamur puro corde
ac sinceris vocibus,

Ut nos tua pia prece
summis jnngas civibus.

Ad Matutinum.
Invitatorium.

Veneremur conlaudantes
regem regum Dominum,

Qui beatum super astra
transvexit Agrippanum.

In 1. Nocturno.

Antiphonae.

1. Beatus vir Agrippanus,
Christi miles egregius,

Docente veritate
Toto mentis anhelitu

Fervebat caritate.
2. In Sion rex constitutus
Praesulisque consecutus

Nomen et officium
Serviebat in timore,
Exsultabat cum tremore

Largitori omnium.
3. Voce pia cordis, oris

Clamavit ad Dominum
Et clamando exauditus

Est a patre luminum.

Responsoria.

1. Dies fulget celebranda

Martyris egregii,
Orbe toto veneranda

Meritis Agrippani,
Qua de mundo elevatur

Ad coeli palatia
Fruiturus cum electis

Perpetim laetitia.
V. Vir mirificus decore,

repletus charismate,
Coelo claret redimitus

sacro diademate.
2. Martyr Christi gloriose,

gemma fulgens praesulum,
Qui virtute meritorum

decorasti saeculum,
Plebem tibi famulantem

et devotam laudibus
Fac regnare super astra

tuis sanctis precibus.
V. Adsistentes tuae laudi

fove patrocinio
Seque tuo confidentes

tueri praesidio.

3. Vallanensis ecclesiae
sublimatus in apice

Dum rediret a Romano

consecratus pontifice,
Verbum Dei praedicaudo
Et devote sublimando

Divina mysteria
A profanis detruncatus
Est in coelis coronatus

Honore et gloria,
V. Sic per ingens tormentorum
Certamen est beatorum

Consecutus gaudia.

In 2. Nocturno,

Antiphonae.

1. Non dilexit vanitatem,
respuit mendacium
Obtulitque semetipsum
Deo sacrificium.

2. Domum tuam introivit
cum mansuetudine
Et ad templum sanctum tuum
adoravit, Domine.
3. Quam excelsum nomen tuum
est et admirabile,
Per quod sanctis es largitus
munus ineffabile.

Responsoria.

1. Adest dies gloriosa,
Cujus mors est pretiosa,

Martyris Agrippani,
Qui contemptis his caducis
Factus est posessor lucis
In conspectu Domini ;
V. Illi multimodas

promamus vocibus odas.
2. Vigilando, jejunando,
praedicando populum
Sitientes adaquabat

dans doctrinae rivulum,
His insistens est adeptus

coronam martyrii,
Sic se ratus meruisse
fructum summi praemii;
V. Hic mundum sprevit,

carnem domare decrevit.

3. Miles tutus est secutus

Regem ineffabilem,
Qui post luctus est deductus

In viam mirabilem ;
V. Adjuvet hic flentes,

lacrimarum valle gementes.

In 3. Nocturno.

Antiphonae.

1. Signo crucis praemunitus
verbum Christi coluit,
Quo sagittas peccatorum
armatus non timuit.

2. Pontifex immaculatus
conscendit ad aethera,
Quia super innocentem
non accepit munera.
3. Stola immortalitatis
et corona gloriae
Induit Agrippanum
rex misericordiae.

Responsoria.

1. Dirae gentis feritatem

cupiens exstinguere
Et ad cultum veritatis

intendens convertere,
Cursum vitae consummavit

pontifex Agrippanus;
V. Qui in regno claritatis

admonebat populum
Et doctrinae salutaris

propinabat poculum.

2. Stola fulgens immortali

et corona gloriae
Indutus Agrippanus

coelos scandit hodie,
Sine fine regnaturus

in conspectu Domini,
Cui sese consecravit

honore martyrii.
V. Praesulatus dignitatem

adipisci meruit,
In quo Deo famulatum

devotum exhibuit.

3. O praeclare Dei martyr,
O praesul Agrippane,
Qui pro Christo mortem pati

decrevisti nomine,
Ad supernam nos concede
patriam perducere,
V. Ubi sancti gloriantur
sacro juncti foedere.

Pro sella.

Ibi dies finem nescit,
Ibi sonat angelorum,
Ubi praesul hic quiescit,
Novum carmen et decorum.
Ibi viget pax bonorum,
Fragrat odor pigmentorum ;
Hic qui Deo famulamur,
Vera pace perfruamur.

In Laudibus.

Antiphonae.

1. Lux solemnis, dies pacis
fulsit et laetitiae,
In qua praesul est adeptus
praemium victoriae.

2. Gratulemur laude pari
et promamus cantica,
Offerentes Deo patri
thura precum mystica.

3. Qui de luce vigilasti,

pontifex, ad Dominum,
Piae plebis te precantis
terge sordes criminum.

4. Patrem atque coaeternum
patris unigenitum
Veneremur conlaudantes
spiritum paraclitum.

5. Referamus Deo patri
laudes cum Agrippano
Exsultantes et psallentes
in chordis et organo.

Ad Benedictus.
A. Visitavit et redemit

Deus suum populum

Et erexit cornu notis

martyrem Agrippanum.
Jusjurandum, quod juravit,
Sanctus iste praedicavit

Praesul Vallanensium,
Dans salutis scientiam
Pellebat idolatriam

Lapsis praehens remedium.
Huic ergo festinemus

cantica dirigere,
Qui direxit pedes nostros

pacis in itinere.

In 2. Vesperis.

Ad Magnificat.

A. Ave, praesul honestatis,
Martyr mirae sanctitatis,
Agrippane, vir laudande,
Qui das lapsis relevamen
Et infirmis medicamen;
Tu pro nobis intercede,
Ut coelesti nos mercede
Ditet Deus cum beatis
Regno suae claritatis.