31. In Translatione s. Gerar di.

In 1. Vesperis.

Ad Magnificat

A. Ave, pastor egregie,

Gerharrte, praesul inclite,
Coelesti felix gloria
Nobis praebe suffragia,
Ut tuis fulti meritis
Solutis mortis laqueis
Christi favente gratia
Poli scandamus supera.

R. O pastor, proprios

refove miseratus alumnos,
A scelerum nexu

clementi solve precatu,
Sit per te nobis

aeterni gloria regni.

Ad Matutinum.
Invitatorum.

Aeternum regem Dominum
Adoret plebs fidelium,
Gerardum, sanctum praesulem,
Qui dat coeli participem.

In 1. Nocturno.
Antiphonae.

1. Clara natus prosapia
Gerardus, Christi hostia,
Ab annis puerilibus
Fit templum sancti spiritus.

2. Hic velut sertum floribus
Sacris comptus virtutibus
Ad nullum mundi vitium
Pium flectebat animum.

3. Timore plenus Domini
Sic sanctae vitae studuit,
Ut foret dignus culmine
Pontificalis gratiae.

Responsoria.

1. Spes crescit plebis

solemnia sacra colentis
Praesulis eximii

splendentia laude Gerardi,
Cujus vita fuit
miris memorabilis actis ;
V. Moribus et factis

verbis simul ardua gessit.

2. Ad senium mundo

per longa volumina ducto
In nostris tenebris

oritur fax splendida lucis,
Pontificem sanctum

Christo tribuendo Gerardum,
V. Stemmate praeclarum,

praesago nomine dictum,

3. Urbis Agrippinae

natum sub moenibus amplae,
A puerisque sacrum

Domino servire ministrum,
Imbuerat plene

gemino sapientia fonte
V. Quem vas electum,

studiis apprime probatum.

In 2. Nocturno.
Antiphonae.
1. Adscitus cleri precibus,
Totis reclamans nisibus,
Ad praesulatum cogitur
Et ad Leucham dirigitur.

2. Crebra ducens jejunia,
Sese mactans media,
Dum lymphae potum petiit,
Vini saporem reperit.

3. Auxit victum pauperibus,
Dum famem perfert populus,
De modica farinula
Multa pascendo milia.

Responsoria.
1. Hic Leuchae sedi

laudatur praesul haberi,
Triticeae messis

tribuat qui pabula servis,
Ut duplicata ferat

Domino veniente telenta;
V. Hos trahit exemplo,

verbi quoque famine claro.
2. Prodigiis firmat,

dictis quoque dogmata mon-
strat,
Immutans laticem

dat vini ferre saporem,

De modico farris

satiantur milia plebis.
V. Instauratque cibos,

furtim dum pascit egenos.

3. Pauperis in specie

Christum sibi cernit adesse,
Eripuit populum

miseranda clade subactum,
Dante Noto pluvias

tribuit splendere lucernas,
V. Coenobium sancti

conservat ab igne voraci.

In 3. Nocturno.
Antiphonae.

1. Christus, merces fidelium,
Suum revisit famulum,
Sub pauperis imagine
Sese dignatus pandere.

2. Suis devotis precibus
Dei praesul emeritus
A clade plebem liberat,
Quam saeva mors invaserat.

3. Sancte Gerarde pontifex,
Virtutum laude multiplex,
Tuus deposcit populus,
Conjunge nos coelestibus.

Responsoria.

1. Pluribus his aliis

sancte vivendo peractis
Eripitur terris

sociandus in aethere justis,
Spiritus alta petit,
claret virtutibus orbi;
V. Ad tumulum cujus

recipit vir languidus artus.
2. O pastor. proprios

refove miseratus alumnos,
A scelerum nexu

clementi solve precatu,
Sit per te nobis
aeterni gloria regni,
V. Ultima cum vitae

provenerit hora supremae.

8. Clementer plebi

miserator adesto precanti,
Qui recolendo tui

solemnia, Christe, Gerardi
Ipsius ob meritum

tibi dat praeconia laudum.
V. Hic tibi complacitus

factis et nomine clarus.

Ad Laudes.

Antiphonae.

1. Gerardus praesul nobilis,
Custos ovilis Domini,
Vitae nutrivit pabulo
Commissos sibi populos.

2. Talenta sibi credita
Hic reportat duplicia,
Et meruit percipere
Regnum aeternae gloriae.

3. Hic satagens viriliter
Et vigilans sagaciter
Implevit jussa Domini
Fidelis more famuli.

4. Hymnum canamus Domino,
Gerardum sacerdotio
Qui digne fungi tribuit
Et coeli regnum contulit.

5. Laudum canat concentibus
Christum clerus et populus,
Beato qui perpetuam
Gerardo confert gloriam.

Ad Benedictus.

A. Gerardus praesul nobilis,
Servus prudens et humilis,

Qui sanctitatis copia
Completo vitae spatio
Coeli locatur solio,

Fruens perenni glorias
Corpus ejus terrae datur,
Sepultura decoratur

Tullensis ecclesia.

In 2. Vesperis.

Ad Magnificat.

A. O Gerarde, Tullensium
Bone dux et refugium,

Pro nobis jugiter ora,
Audi preces humilium,
Pium praestans saffragium

Et nunc et in mortis hora.