78. In Translatione s. Philiberti.

In 1. Vesperis.

Super Psalmos.

A. Gloriose pastor, Christi
miles invictissime,
Preces nostras, Philiberte,

miserando suscipe
Apud Christum impetrando
nobis locum veniae.

Ad Magnificat.

A. Pastor sancte Philiberte,

templum sancti spiritus,
Tuo pio interventu

malis ab instantibus
Nos defende, nostris poscens

veniam criminibus,
Nostras preces audi, sancte,

indulgendo lapsibus.

Ad Matutinum.
Invitatorium.

Aeterno regi

iubilemus corde fideli,
Qui coeli rutilam

Pbilibertum vexit ad aulam.

In 1. Nocturno.

Antiphonae.

1. Indole praecipuus

Philibertus et inclitus ortu
Moribus eximiis

effulsit et actibus almis.

2. Annis bis denis

agili sub dogmate sancti
Militia mundi

spreta fit vernula Christi.

3. Cujus in obsequio

fervebat amore superno,
Se Domino mactans,

hostem virtute triumphans.

4. Cumque chirothecas

quidam sibi subripuisset,
Ejus pro meritis

mox reddi compulit ignis.

5. Extremo vitae

monachus dum jura loquelae
Amisit, sancti

meritis amissa recepit.

6. Dum meterent segetes,

terrentur turbine fratres,
Quem fusis precibus
sedavit mox Philibertus.

Responsoria.

1. Miles Christi Philibertus,

inclitus progenie,
Fulsit spei, caritatis

fideique lampade,
V. Hinc defuncto sancto patre

praelatus in ordine.
2. Dum successit pio patri

in locum regiminis,
Resistentes [ei] Dei

manus ultrix perculit,
V. Unum morte Ariana,

unum ictu fulminis.
3. Causa loci Ebroino

monachus quem dirigit
Febre coepit anxiari,

sed saluti reddidit,
V. Cujus jussu dolor fugit,

sanitas mox rediit.

4. Quidam silvae custos equum
sancti furtim rapuit,
Quem divina coartatus
ultione reddidit,

V. Domum enim nocte suam
cremari conspiciens.

In 2. Nocturno.
Antiphonae.

1. Dum pincerna suus

crudeli morbo gravatur,
In Domino fisus

famulo tangendo medetur.
2. Daemone cum coepit

quidam monachus cruciari,
Felix confessor

orando fugavit ab illo.
3. Cujusdam casu

monachi colliditur armus,
Quem virtute crucis
medicus reparavit herilis.

4. Solve tuis precibus

nostros, Philiberte, reatus,
Ut Domino digni

reddamus carmina laudis.
5. Sancte Dei, popnlo,

Philiberte, benignus adesto,
Nos vitiis purgans,

virtutum floribus ornans.

6. Audi, summe pater,

Philiberti festa colentes,
Nos quoque, rex, nostris
miserando lapsibus audi.

Responsoria.

1. Quadam die aegrotavit
serviens languentibus,
Quem curavit solo jussu
sanctus Dei famulus,
V. Vade, inquit, sospes factus

servi aegrotantibus.

2. Cum beatus Philibertus

advenisset Isaram,

Non inventa navi poscit

Domini clementiam,

V. Navis adest fusa prece

nullo ducta remige.
3. Apud quandum dum matronam
mansit Dei famulus,
Tonna vini ministratur,
verum nec minuitur,
V. O quam mira operatur
in sanctis altissimus.
4. Nocte quadam dum oraret,
vidit quidam monachus
Ejus oculos duabus
similes lampadibus,
V. Erant enim inflammati
igne sancti spiritus.

In 3. Nocturno.

Ad Cantica.

A. Gemma sacerdotum,

Philiberte, decus monacho-
rum,
Christum mente pia
pro nobis sedulus ora.

Responsoria.

1. O divini praeco verbi,
pastor venerabilis,
Philiberte, nos a cunctis
defende periculis,
V. Nostras preces pius audi,

iram placans judicis.
2. Audi, sancte Philiberte,
audi nostros gemitus,
Intercede apud Deum
nostris pro excessibus,
V. Sancte pater, te precamur,

te devote poscimus.
3. Inclito confessor,

Philiberte, Deiquesacerdos.
Posce Deum nobis
aeternae dona salutis,
V. Te nimiis precibus,

pastor venerande, precamur.
4. O felicem ac beatum
pastorem ecclcsiae,
O praeclarum agonistam

coelestis militiae,
Cui palmam justus judex
contulit vietoriae;
V. Nobis, sancte Philiberte,
regem placa gloriae.

In Laudibus.

Antiphonae.

1. O Philiberte, Dei

sanctissime pastor ovilis,
Fulsisti mundo

signis, nunc lumine coelo.

2. Mnam tibi commissam,

prudenter multiplicatam,
Condignam Domini
meruisti laude superni.
3. Terrea sprevisti

comptus virtutibus almis,
Hinc merito felix
coelesti luce nitescis.

4. Nomen, Christe, tuum

per saecula sit benedictum,
Lumine coelesti

Philibertum qui decorasti.

5. Ferte Deo, sancti,

devotae munia laudis
Cumque Philiberto
precibus nos jungito, Christe.

Ad Benedictus.

A. Lux Philiberte Dei,

radians plus sole diei,
Regem splendoris

contemplans omnibus horis,
Pro nobis vigila,

pulsa, bone pastor, et ora,
Ut sine fine Deum

trinum speculemur et unum.

In 2. Vesperis.

Super Psalmos.

A. O decus ccclesiac,

miles Domini Philiberte,
Juuge tuis meritis

nos coeli civibus almis.

Ad Magnificat.

A. O quam pius es in sanctis,

Deus admirabilis,
Qui non solum Philibertum

decoras miraculis,
Sed in coelo sempiterni

claritate luminis;
Cujus sancti nos exaudi,

te precamur, meritis,
Protegendo ab adversis

veniam da criminis,
Voces quoque nostras junge

vocibus angelicis.