47. De sancto Majolo.

In 1. Vesperis.
Ad Magnificat.

A. O Majole, potens

Christi confessor et abbas,
Qui natale tuum

gaudent celebrare quotannis,
Te duce perpetuae

capiant bona gaudia vitae.

Ad Matutinum.

Invitatorium.

Alleluja, veram
In Majolo vitam
Laudemus et Christum,
Venite, adoremus.

In I. Nocturno.

Antiphonae.

1. Vir vitae venerabilis
Fuit Deo amabilis,
Majolus, magno Christi
Salvatoris munere.

2. Hic Arvernicis honeste
educatus oppidis
Tum pietate tum genere
nobili clarescebat.

3. Qui verae vitis palmitem
Ut se probaret fertilem,
Nullo sterilis tempore
Fructum tulit uberrime.

Responsoria.

1. Vir sanctissimus Majolus,
Nostro [florescens] tempore,
Praeclarus fuit genere,
Praeclarior sed opere,
V. Decorus exstitit fide
Et caritatis munere.
2. Actibus iste piis

teneris intentus ab annis,
Vir fuit eximiae

sanctaeque per omnia vitae,
V. Nocte dieque jugis

divino servitio instat.
3. Sancta sequi satagit

Majolus munera Christi,
Terrea spernendo,

coelestia sola probando,
V. Levitaeque decus

dignum tulit ordine laetus.

In 2. Nocturno.
Antiphonae.

1. Majole, admirabile

Nomen tuum dignoscitur,
Nam contra quodvis flebile
Malum, quod homo patitur,
Per te confestim utile
Remedium tribuitur.

2. Majolus nunquam recessit
A verae vitis corpore,
Fructum ut ferret plurimum
Perpetuo Deo gratum.

3. Nam ab ipsis cunabulis
Se Majolus a fabulis
Subtraxit et a lusibus
Gestisque puerilibus.

Responsoria.

1. Antonii accitus

docti nunc laude magistri,
Lugdunum properat,

divina ut pabula gustet ;
V. Tantus amor stadii

Majolum pressius urget.

2. Hic haerere Deo

propius dum nititur almus
Christi discipulus,

monachi vestem induit atram,
V. Munditiam summo

coluit vir sanctus amore.

3. Aetherei cum clavigeri
graderetur ad urbem,
Condoluit, socium graviter
dum conspicit aegrum,

V. Tangendo infirmum

corpus sacro unguine sanat.

In 3. Nocturno.
Antiphonae.

1. Relictis hic famulis
Et genitorum praediis
Majolus Christi munere
Partes adiit Burgundiae.

2. Majole, dum tuas psallimus
Virtutes et miracula,
Per te nostrarum, poscimus,
Culparum solvi vincula.

3. Solemnem celebrare diem
studeamus devote,
In qua pater Majolus
in coelis est natus
Ejusque meritis socii
Esse perennis possimus
Regni pariterque
Secum jugi vita frui.

Responsoria.

1. Culmina virtutum

dum cernit scandere sanctum
Majolum, abbas tunc

Heimardus lumine cassus,
V. Cedo tibi, dixit,

nunc fratrum suscipe curam.
2. Cumque manus Majolus

aquam fundente ministro
Ablueret stillam

rapuit quidam incola laetus,
V. Qua tactos nati

caecos curavit ocellos.

In Laudibus.
Antiphonae.

1. Confessor Domini

cum se jam carne resolvi
Praesciret, fratres

monuit de morte propinqua.

2. Mox tristes fratrum

mentes dolor occupat ingens,
Curque tuum, exclamant,
bone pastor linquis ovile ?

3. Verbis hisce suos

lacrimans affatur amicos:
Jesus pastor vester,

oves qui sanguine pascit.

4. Viscera vos mea commoneo
sermone paterno,
Vincula ne pacis

vestrae sors ulla resolvat.

5. Tunc benedixit eos

coelestia dona precando,
In coelo visum

defixsum semper habendo.

Ad Benedictus.

A. Laudent cuncta Deum

verum, mage grex monacho-
rum,
Nam tulit in coelum

Majolum veraque vitis,
Palmitibus sanctis

sua ibi jam dona coaequat
Cujus consortes
jubeat nos esse perennes.

In 2. Vesperis.
Ad Magnificat.

A. Jam festiva dies

omnem celebranda per orbem
Fulget, qua Dominus

Majolum traxit ab imis,
Adnectens superis,

placeat succurrere nobis
Atque ejus precibus

paradisi gaudia dentur.