15. De sancto Blasio.

In 1. Vesperis.

Ad Magnificat.

A. Pontificis palmam

Blasii plebs haec colat al-
mam
Atque precetur eum

magnificando Deam,
Semper ut exsultet

cum Christo spiritus ejus
Coelicolis junctus,

quos visio confovet ejus.

Ad Matutinum.
Invitatorium.

Martyris invicti

festum solemne colentes
Psallamus Christo,

quem laudat coelicus ordo.

In 1. Nocturno.

Antiphonae.

1. Inter Christicolas,

quos urbs Sebastes alebat,
Eximius martyr
Blasius emicuit.
2. Corde colens digno

Dominum ferensque benigno,
Cultor mandati
verus erat Domini.
3. Neumatis ergo sacri

septeno munere fretus
Praeficitur cunctis
ordine pontificis.

Responsoria.

1. Festivam diem Blasii,
Praeclari Christi martyris,
Festivo ritu gaudiis
Prosequamur et canticis,
Qua laureatus sanguine
Regem adivit gloriae.

V. ''Ut vidcat voluptatem Domini
et visitet templum ejus.''

2. Dum sanctus hic in eremum
Ut verus esset Idithun,
Agrestes ferae morbidae
Adibant illum undique,
Quas signo crucis omnibus
Sanabat a doloribus.
V. O mira Dei pietas,

Per quam mitescit feritas
Et feris datur sanitas.

3. Pretiose martyr Blasi,
Servos tuos nos exaudi,
Tua prece apud Christum
Commendato chorum istum.

V. ''Si quis enim Dei cultor est,
hunc audit, ideo te precamur.''

In 2. Nocturno.

Antiphonae.

1. Culmine vir clarus

provectus pontificatus
Gliscebat Domini
non sua lucra sequi.

2 . Moribus ornatus

erat omnibus omnia factus,
Laeto congaudens

cumque dolente dolens.

3. Antistes clarus,

divino flamine plenus,
Aegris optatam

saepe ferebat opem.

Responsoria.

1. Dum cujusdam mulieris

infans piscem ederet,

Spina piscis fixa haesit

comedentis gutturi
Moxque sanctus gulam tangit
Signo crucis

et sanavit puerum.
V. ''Misit manum suam et tetigit
os ejus.''

2. Ad tribunal

jussus ire judicis
Venerandus

praesul inquit nuntiis:
Hac me nocte

Christus ter admonuit,
Ut deliber ei grata

atque placens hostia.
V. ''Paratus sum et non sum tur-
batus, ut calicem salvatoris
accipiam.
''3. Agricolaus,

praeses impius,
Suspendi jussit

sanctum praesulem
Et carnes ejus ungulis
Dilaniare ferreis
Cui sanctus: per tormenta,
Praeses, inquit, arbitraris
Me terreri, sed non potes.
V. ''Gor meum et caro mea ex-
sultaverwnt in Deum meum.''

In 3. Nocturno.
Antiphonae.

1. Mundanas curas

nimis inquietudine duras
Horrens Argeicas
expetiit latebras.

2. Degebat clausus

celsa sub rape vir almus,
Mente Deo junctus
Israelita pius.

3. Cumque mali pecudes

quidquam paterentur agres-
tes,
Optabant sancti

manibus sua vulnera tangi,
Qui tangens sanas
efficiebat eas.

Responsoria.
1. In discuti-
one vero tertia
Servo Dei

saeva inquit bestia:

Jam nunc, Blasi,

diis nostris immola.
Cui sanctus:

non sunt caeca numina,
Immo surda

daemonum simulacra.
V. ''Quoniam omnes dii gentium
daemonia, Dominus autem
coelum fecit.
''2. O praesulem almificum,
Quem mundana

non attraxit gloria,
O martyrem almificum,
Quem poenarum

non vicerunt genera,
Cessit tortor atque lictor
Laniansque ungula,
Nec vincitur equuleo
Nec carceris ergastulo
Neque laci periculo
Fides fervens in Blasio.
V. Tua sunt haec, Christe, opera,
Per quae tui testes
Tot evincunt aspera.

3. O Blasi, decus martyrum,
O gemma fulgens praesulum,
Fave votis te precantum,
Effugato, quidquid gravat,
Impetrato, quidquid juvat
Ad aeternam gloriam.
V. ''Scimus quippe, quod quidquid
petieris a Domino, dabit tibi
Deus.''

Prosella.
1. Praesulem hunc commendavit
Sancta conversatio,
Quem virtutum decoravit
Frequens exhibitio.
2. Porcum lupus reportavit
Praesulis imperio,
Interdicto sanctum pavit
Mulier edulio.
3. Carceratum visitavit
Angelorum visio,
Super aquam ambulavit
Projectus in fluvio.

4. Nihil laesus exsultavit
Flammarum in medio,
Carnes ejus exaravit
Ungularum passio.
5. Caput ejus amputavit
Tyrannus cum gladio,
Sic ad patrem exspiravit
Patiens pro filio.
6. Ergo, Christe, fili David,
Ipsius suffragio
Nobis dona, quam optavit,
In coelesti solio
Aeternam gloriam.

In Laudibus.

Antiphonae.

1. Indutus fortitudinem

atque decorem gloriae

Post devictos mirabiles
elati maris turbines

Athleta regnat. Blasius

cum Christo in coelestibus.

2. Interno mentis jubilo
Laeti servite Domino,
Oves ejus et populus ;
In adspectu semper ejus
Pro nobis oret Blasius.

3. Te, summa veri gaudii,
Agonizantis Blasii
Sancta sitivit anima
Et caro multiplicia
Per tormentorum genera,
Quo, precamur, perpetuam
Adipiscamur gloriam.

4. Fontes et aquae lacus
et mare regem laudate

In cujus laude aquas
profundi Blasius laci

Signans intravit

ac sicco pede perambulavit.

5. Terrigenae cuncti,
Coelicolis juncti
In Laudibus Christi
Laudiflua voce
Domino cantate,
Quem collaudant sancti
Mors et vita Blasii.

Ad Benedictus.

A. O splendor solis,

qui terrena nubila tollis,
In regno cujus

splendescit spiritus hujus
Fortis agonistae,

per eum tibi supplicat iste
Grex tuus, illustra

confirmans pectora nostra.

In 2. Vesperis.

Ad Magnificat.

A. Agonista martyr Blasi,
praesul dilectissime,
Qui suspensus eras ligno,

obtruncaris capite,
Audi clemens preces nostras
et peccata dilue.