35. De sancto Hugone.

In 1. Vesperis.

Antiphonae.

1. Pange, lingua monachorum,
Diem festum gaudiorum
Dignis cole laudibus,
Quo virtutum vas decorum
Fulget Hugo, splendor morum,
Bonae Vallis fratribus.

2. O quam digna

coelo nativitas,
Quam praeclara

mundo solemnitas,
Ex qua nostrae

vallis humilitas
Gloriatur et ornatur

angelorum societas.

3. Haec est vallis dans frumentum,
Sanctitatis alimentum

Ministrans fidelibus,
Hoc splendore firmamentum
Nostrum capit incrementum

Signis et virtutibus.

4. Dat Hugonem Novum Castrum

Castris Dei pugilem,
Quem praeclari velut astrum

Dant parentes nobilem,
Bonae vallis regens claustrum

Legem docet humilem,
Suum fundens alabaustrum

Reddit eam fertilem.

5. Cum invocat, coelitus
Justus exauditur,
Procellis expositus
Pace stabilitur.

R. Benedicta bona Vallis,
Quae serpentis artem fallis

Bonitatis gratia,
In te fulget vitae callis,
Sanctus Hugo, cui psallis
Devote praeconia,
V. Pretiosum vas crystallis,
Auro, gemmis et metallis
Refulget in gloria.

Ad Magnificat.
A. O gemma carbunculi,
Auro fulvo lumine
Circiter ornata,
Coelestis oraculi
Plena sanctitudine
Arca fabricata,
Sume preces filiorum,
Pater Hugo
Et de jugo
Libera malorum.

Ad Matutinum.
Invitatorium.

Exsultemus Christo regi
Canentes praeconia,
Qui Hugonis gratia
Vigili custodia

Pastor adest nostro gregi.

In 1. Nocturno.
Antiphonae.
1. Beatus vir

hic sanctus, Domine,
Te delectat

virtutum germine,
Tamquam lignum
ex legis semine.

2. Quare Christo praedilectus
Filius vocatus
Sic exstitit semper rectus
Et subjectus
Deo vir beatus.
3. Exaudi pro filiis,

Deus, deprecantem,
Quem virtutum radiis
Pacis coruscantem.

Responsoria.
1. Primus ordo fundamenti
Jaspidis positio,
Novi germen incrementi

Coelestis praelatio

Est Hugonis piae menti

Festina conversio,

V. Mundi fuga scaenolenti,
Regularis indumenti
Solemnis assumptio.
2. Vitae sanctae speculum,
Lux religionis,
Est saphyrus pater mirus,
Dans terris miraculum
Conversationis,
V. Sic transcendens omne votum

Se in coelum rapit totum.
3. Vas electum vir beatus,
Fratrum flos eximius,
Loco coeli sublimatus
Deo gratus

Fulget calcedonius,
V. Amicus Dei vocatus
Ascendit superius.

In 2. Nocturno.

Antiphonae.

1. Cum invocat coelitus,
Justus exauditur,
Procellis expositus
Pace stabilitur.

2. Verba pacis dulcia

Fervent igne caritatis,
Illustrant errantia
Corda luce veritatis.

3. Domine, qui ex more
Te praedicavit mirum,
Gloria et bonore

Coronas sanctum virum.

Responsoria.

1. Quarto praestat ordine

Smaragdus victorem,
Vir sanctus ex germine

Virtutum decorem,
Bonae Vallis culmine

Pastoris honorem,
Suo gregem lumine

Trahens ad amorem ;
V. Rectus cura dulcedine
Deo fructum semine

Reddit ampliorem.

2. Est gemina sardonica
Admirandae virtutis,
Manus patris medica
Membris destitutis,
In morbis deifica
Ministra salutis,
V. Arte pollens coelica
Signa dat benefica
Claudis, caecis, mutis.

3. Sanctitatis sardio

Lingua corruscavit,

Cujus ministerio
Vivos informavit,
Defunctos salvavit.

Solvens reum,

Placans Deum
Coelos penetravit.
V. Justo palpans praemio

Hostes Sion gladio
Spiritus fugavit.

In 3. Nocturno.

Antiphonae.

1. Domine, qui hic habitas
Aut qui intus nos visitas,

Nisi Patris Hugonis
Servat suos, quos agitat,
Fervor devotionis.

2. Domine, rex gloriae,
Cuncta qui das bona,
Sanctum patrem gratiae

Firmans tuae dona,
Perennis laetitiae
Dotasti corona.

3. Domine; qui ascendit
Mundus instans opere,
Accipiens, quod intendit,
Benedictus munere.

Responsoria.

1. Fulget lapis amabilis

Instar auro chrysolithus,

Virtus patris mirabilis
Invitatur divinitus

Cursus naturae solvitur,

Panis fit exsecrabilis

Aquae potus infibilis,
Transit in lignum coelitus.
V. Benedictio stabilis

Cibos mensae damnabilis
Evacuavit penitus.

2. Splendor mirae claritatis

Educit topazion,
Dum vir summae caritatis

Refovens incendium,
Sanctum in altari

Offert sacrificium
Deo salutari;
V. Oolumbae mysterium

Videntur mirari,
Crux per mundi pretium

Cum lucro portari.

3. Multiformis radiat
Beryllus, qui nuntiat

Dei visiones,
Occultas coelestium,
Futuras praesentium
Reddit rationes.
V. Novit mentes hominum,
Pandit umbram criminum,
Signat passiones.

In Laudibus.

Super Psalmos.

A. Dominus rex istam domum
Induit decorem,
In qua sicut cinnamomum
Sanctus Hugo dat, odorem.

Ad Benedietus.

A. Benedictus gloriae
Dator metuendus,
Benedictus gratiae
Dies recolendus,

Viennae provinciae

Superextollendus ;
Benedicat hodie
Praesenti familiae

Pater reverendus.

In 2. Vesperis.

Antiphonae.

1. Vespertinum suscipe,
Deus, sacrificium
Patris, cujus adipe
Cor reple psallentium.
2. Ad Vesperum demoratur
Fletus filiorum,
Sed in mane gratulatur
Hugo, splendor morum.
3. Vesperascit tibi dies,
Et lucescit tibi quies,
Plenum vas aromatum,
Pace habens sabbatum.
4. Vespere venit columba

Ad arcam cum frondibus,
Sacrum corpus in hac tumba
Coruscat virtutibus.
5. In Domino sapiens

Justum, quod dilexit,
Aequitatem faciens
Oves juste rexit,
Pascens verbi radio,
Vitae beneficio.

Ad Magnificat.

A. O virtus altissima

Sancti patris Hugonis,

O stella clarissima
Coelestis mansionis,

Ad aeternum regem
Duc, pastor, piissima

Prece tuum gregem.