68. In Translatione s. Moderanni.

In 1. Vesperis.

R. Dum Moderanni anima
Transfertur ad coelestia,
Sua membra sanctissima
Ejus sumit ecclesia ;

V. Qui es liber a vinculis
Carnis et cunctis bonis,
Sancte pater, perfrueris,
Sis memor tuis filiis
Tuis fisis reliquiis.

Ad Magnificat.

A. Tu translatus praesul comes,

Qui in Deo magna potes,

Moderanne, bonos mores

Dona et conserva omnes

In Dei servitio.

Ad Matutinum.

Invitatorium.

Laetabitur
justus in Domino.

In Nocturno.

Antiphona.

Resurgent in judicio,
Justorum in consilio
Moderanni reliquiae,
Perfruiturae requie.

Respcmsoria.

1. Moderannus dissolvitur
Et sepulturae traditur,
Suo perfecto opere
Vitae vergente vespere.
V. In ara, qua libaverat,
Jesu Christo servierat.
Dextera collocatur.

2. Sanctus sancto Tiberius
Succedit in regimine,
Subalpinis pro nomine
Moderanni consocius,

V. Urnam novam hic praeparat,

Quam Moderannus habeat,

Sed fruitur Abundius.

3. Praesul Abbatem praesulem
De tumba transfert humili,
Quem loco honorabili
Mundo recondit humilem ;

V. Hujus furatum digitum
Et in sinu absconditum
Flamma fatur ad praesulem.

In Laudibus.
Antiphonae.

1. Decorem clarum induet
Corpus sancti carneum,
Anima cujus possidet
Jam solium sidereum.
2. Puer Dei Moderannus,

Castus semper et non vanus,
Proficit in gratia.
3. Claris exstat parentibus,
Sed clarior virtutibus,
Ortus in Britannia.
4. Praefert eum populus,
Omnium fit oculus
Ad aeterna bona.
5. Sancte Dei Moderanne,
Pontifex Redonensium,
Audi, pater venerande,
Voces te laudantium.

Ad Benedictus.

A. Adest, pater venerande,
Adest tua translatio,
Per te, praesul Moderanne,
Nobis detur salvatio.

In 2. Vesperis.

Ad Magnificat.

A. Quo nunc loco Moderannus
Dormit sic suaviter,
Est in fine surrecturus
Cum carne feliciter.