45. De sancto Leontio.

In 1. Vesp eris.
Antiphonae.

1. Gaude vetusta civitas

Novum agens tripudium,
2. Adest nova festivitas,

Exsulta, Forojulium.
3. Vide, quanta sit dignitas,

Quae decorat Leontium,
4. Ut tanti patris sanctitas

Sit natis in auxilium,
5. Et post decursas semitas

Tibi mercetur praemium.

Ad Magnificat.

A. Magnificat hunc praesulem

Multiplicatis meritis,
Cum magnum fecit humilem,

Deus gratis exhibitis
Donis, quibus perutilem

Fecit eum neophytis,
Nec primus habet similem

In bonis sibi deditis.

Ad Matutinum.

Invitatorium.

Adoremus in saecula

. Christum regem in milite,
Qui coeli confert pocula,
Hymnum novum concinite.

In 1. Nocturno.

Antiphonae.

1. Per te currit ad gratiam,
Christe, martyr Leontius,
Cujus legis justitiam
Amplectitur devotius.

2. Auditor verbi sedulus

Sic Christi fit discipulus,
Incredulis fit stimulus,
Credentibus agniculus.
3. Verbum Dei dum praedicat,
Fructiferat et germinat
Ager et agri cultor.

Responsoria.

1. De sentibus flos oritur
In vere natus gratiae,
Leontius dum oritur
De gente diffidentiae,
V. Eripitur et alitur

Praesul martyr futurus.
2. Crebescente saevitia

Paganorum in Christum,
Expulsus de Provincia,
Fit insultus in istum
Sic in membris caput expellitur.
V. Partes dimittit proprias
Ingressus alienas

Ut Christum lucrifaciat.

3. Jam sparso verbi semine
Per partes Forojulicas
Sub caritatis tegmine
Terras petit Germanicas,
Per fraudes diabolicas
Deceptis fit medelas
V. Morbidis fit curatio,
Mortuis suscitatio,
Cunctis via salutis.

In 2. Nocturno.

Antiphonae.

1. Mare transit navigio
Deo sibi propitio
Nec trepidat in undis.
2. Adit partes Provinciae
Divinae sator gratiae,
Lucerna sanctitatis.
3. Fit virtutis spectaculum
Et veritatis speculum
Omnibus in salutem.

Responsoria.

1. Christi miles dum militat,
In spiritum nequitiae
Certando nihil trepidat,
Armis doctus militiae
Gentem vincens profanam,

V. Ad gentem missus perfidam
Christum docet

Et legem Christianam.

2. Felix cella vinaria,

De qua vinum doctrinae
Stillat et pigmentaria
Coelestis medicinae
Tam secretaria,
V. Coeleste triticum

Coeli reconsum horreo,
Dogma catholicum
Doctorum fulget cuneo.

3. Dum doctrina Christi fidem
roborare nititur,
Ab iniquis doctor bonus

invasus occiditur,
Sic pugil curat ad vitam,
dum pro fide moritur ;
V. Constans offert corpus morti
pro fide, quam docuit.

In 3. Nocturno.

Antiphonae.

1. Doctor clarus sed vita clarioi
Auro multo fit pretiosior
Stola duplata.

2. Exemplum fuit subditis
Retractus ab illicitis
Praesul et forma gregis.

3. Pro grege pastor moritur,
Cujus morte defenditur
Grex a morte secunda.

Responsoria.

1. Latet granum

opressum palea,
Justus caesus

pravorum framea,
Coelum domo

commutans lutea,
V. Cadit custos

vitis in vinea,
Dux in castris,

cultor in area.

2. Nunc fulges stola trina

Velox cursor,

Qui percepisti bravium,

Tu stella matutina,

Tu rosae flos rubeus,

Tu vernans lilium ;
V. Ad adjuvandum nos festina,

Te quaesumus,

Sis nobis in auxilium.

3. O triumphus ecclesiae,
Dignus laudis praeconio,
Protectus armis gratiae
Palmam refert de proelio,
Dum decertans in acie
Claro fulget martyrio.

V. O virtuosa deitas,
O pelagus clementiae,
Quo confertur strenuitas
Christianae militiae.

In Laudibus.
Antiphonae.

1. Laudes decantet martyri
Devota plebs fidelium,
Fermento pulso veteri
Sit nobis in auxilium
Et clipeum salutis.

2. Salutis vera semita,
Per te nobis ostensa,
Sit veritate cognita
Coelotenus protensa,

Quo pergamus alacriter.

3. Alacriter nunc canimus
Laudantes Salvatorem,
Per quem salvari petimus
Ut per vitae datorem
Et sanctorum suffragio.

4. Suffragio Leontii
Nobis vitam concede,
Cursum hujus exsilii
Lustrans de tua sede,
Tuluxbeata trinitas.

5. Beata trinitas,

Tu summa laude digna,
Tu claritas, du bonitas,
Tu dulcis et benigna,
Tu palma triumphantium.

Ad Benedictus.

A. Almi patris

clara solemnia
Cum laudibus agamus
Quem provectum
jam ad coelestia
Supplices exoramus

Ut acceptet
nostra suspiria,
Qui devote clamamus,

Obtenta nobis gratia,

Propter quam suspiramus.

In 2. Vesperis.
Ad Magnificat
A. Praesul et martyr inclite,
Fer opem supplicantibus,
Nos pio vultu respice

Tuis nos juvans precibus,
Hinc nos migrantes suscipe
Paternis ferens manibus,
Civitatis angelicae
Consignans nos agminibus.