29. De sancto Georgio.

In 1. Vesperis.
Ad Magnificat.
A. Gaude cum paradi-

sicolis, regio
Sacra, Georgii

vernans martyrio,
Cujus ecclesia

firmata transitu
Deum magnificat

exsultans spiritu.

Ad Matutinum.
Invitatorium.
Summo regi summa laude
Jubilando, vir, applaude,
Cui servivit spe coronae
Christi miles in agone.

In Nocturno.
Responsoria.

1. Caesar aestu

furoris impii
Constitutus

verbis Georgii
Christi testem

dat carnificibus
Cruciandum

duris verberibus ;
V. Caesus preces

et vota porrigit
Deum laudans,

qui suos diligit.

2. Caesar casum

dolens Apollinis
In ferventem

picem sartaginis
Balneari

jussit Georgium,
Sed non sentit

picis incendium
V. Mens speratae

salutis conscia,
Quae pressuris

non erat anxia.

3. Praesentatur

vir sanctus Caesari,
Qui contemplans

vultu non hilari
Minis movet

atque blanditiis,
Ut ab ejus

cesset injuriis;
V. Jam securus

martyr de bravio
Spreto gaudet

regis imperio.

In Laudibus.

Antiphonae.

1. Regnatoris,

qui juste judicat,
Miles fortis

virtutem praedicat,
Qua praecinctus

dignas ex intimo
Laudes ore

solvit et animo.

2. Plebs adsistens

huic spectaculo
Jucundatur

viso miraculo
Et contempto

solis simulacro
Sacro mergi

se petit lavacro.

3. Quos suscepit

divina dextera
Confitentes

culpas et scelera,
Jam torpore

sopito criminum
Puras levant

manus ad Dominum.

4. Sanctus martyr
reversos instruit
Et instructos
baptismo abluit,

Baptizatos

commendat numini,
Benedicens

operi Domini.
5. Princeps terrae

motus invidia
Promulgata

mortis sententia
Virum Dei

necari praecipit,
Spiculator

necandum suscipit.

Ad Benedictus,
A. Deputatum

sanctum martyrio
Lamentatur
fidelis concio,

Sed securus

factus de praemio
Vitae cursum

finivit gladio.

In 2. Vesperis.
Ad Magnificat.

A. O Georgi,

pater et domine,
Gemma fulgens

in coeli culmine,
Exorando

Dei clementiam
Servis tuis

implora veniam.