13. In Revelatione s. Benigni.
30. De ss. Georgio et Aurelio.
31. In Translatione s. Gerar di.
32. De s. Gregorio Lingonensi.
36. De s. Jacobo Tarentasiensi.
60. In Revelatione ss. Mauritii, Exuperii et Candidi.
63. De ss. Maximo et Venerando.
68. In Translatione s. Moderanni.
77. De s. Petro Tarentasiensi.
78. In Translatione s. Philiberti.
90. De s. Stephano Grandimontano.
In 1. Vesperis.
R. Splendida totum per orbem
refulget solemnitas
Diei, quam patris almi
transitus Caesarii
Decoravit quaque junctus
est choris angelicis ;
V. Hujus tanti fulti patris
nunc beatis precibus
Jucundemur in hac die
cum supernis civibus.
Ad Magnificat.
A. Gaudium anni reduxit
magnum nobis orbita,
Cum [Caesarium] excepit
coetorum sublimitas,
Quo Deus unus perducat
nos beata trinitas.
A d Matutinum.
Invitatorium.
Adoremus regem regum,
Christum Dei filium,
Qui secum provexit sanctum
Hodie Caesarium
Civium ad supernorum
splendidum consortium.
In 1. Nocturno.
Antiplionae.
1 . Post sanctissimi excessum
praesulis Eonii
Mox Caesarius sepulchri
raptus de latibulo
Electusque est a cuncto
Arelatis populo.
2. Hujus sancti viri [erat]
radix devotissima,
Moribus et fide satis
floruit prosapia,
Quod nobilitatis certe
est exemplar celsius.
3. Cumque septimi annorum
scilicet curriculo
Sanctus foret,
jam tegimen
suum clam Caesarius
Offerebat saepe nudus
mauens indigentibus.
Responsoria.
1. Vir fuit dilectus Deo
nomine Caesarius,
Admirandae sanctitatis
exsistens a puero,
Cujus ortus a personis
exstitit clarissimis ;
V. Sacra namque mox in eo
ab ipsis cunabulis
Christi gratia juvante
excrevit religio.
2. O virum vere beatum,
cujus nempe animum
Non visus neque auditus
quiverat avertere
A coelestium bonorum
dulcissimo nectare,
V. Cujus erat mens intenta
gaudiis perennibus
Nec ab eis vel momento
sequestrata exstitit.
3. Cumque vir Domini missus
foret in exsilium,
Casus venit, ut flagraret
ipsa urbs incendio,
Populique conclamarent:
sancte, nobis subveni ;
V. Atroces flammarum globi
dum saevirent, improba
Turba supplex invocabat
Domnum mox Caesarium.
In 2. Nocturno.
Antiphonae.
1. Cum discuteretur verbis
mox parentum asperis,
Suis quid de vestimentis
nudus manens gesserit,
At ipse sibi sublata
refert a viantibus.
2. Ipse sacra nitens jussa
exsequi jam omnia,
Cuncta mundi blandimenta
respuit ac terrea
Lirinorumque sanctorum
expetit consortia.
3. Spiritus nequam, ingressus,
quendam satis miserum,
Per os ejus clamitabat
post beatum sic virum:
O Caesari, nolo vadas
illuc, quo tu properas.
Responsoria.
1. Tunc misertus praesul Christi
conclamantis populi
Se ignivomo furori
concitus opposuit,
Incumbens orationi
solo flexo poplite
V Mox ut terrae genu flexit,
vires mirabiliter
Ignium exstinxit.
2. Igitur comperta princeps
atque rex nefarius
Innocentia beati
praesulis Caesarii,
Poscit supplex, ut ad snam
redeat ecclesiam;
V. Tanto redeunti patri
civibus ab omnibus
Comitiva materiis
et cereis occurritur.
3. Christi dum confessor almus
apud aulam regiam
Moraretur, Ravennatis
misertus est viduae,
Filium quae nuper functum
ejulabat unicum ;
V. Nam cum haec diu jaceret
ejus ad vestigium,
Mox orando suscitavit
vivumque matri reddidit.
In 3. Nocturno.
Antipbonae.
1. Tunc sanctus miseratus
mox bibendi poculo
Benedicto porrectoque
curat a daemonio,
Id quod ejus referente
cognitum est comite.
2. Sanctus mox ut necti quivit
monachorum cuneis,
Coepit eminere cunctis
in virtutum actibus,
Et qui instruendus venit,
perfectus apparuit.
3. Tunc directus est medendo
a patre sanctissimo
Ad urbem Arelatensem
viro illustrissimo,
Nomine Firmino nempe
ac christianissimo.
Responsoria.
1. Cum jam sol occubuisset
declinans ad vesperum,
Viro Dei ad altare
presentatur mulier,
Quae cum spumo ac stridore
ejulabat jugiter ;
V. Tunc sanctus solo prostratus
in orationibus
Omnem vim daemoniorum
mox ab ea depulit.
2. Quidam puer clari viri
ac simul patricii
Ab immundo vexabatur
spiritu frequentius,
Quem vir Dei consecrato
unctum sanat oleo.
V. Ita liberatus puer
est a nequam spiritu,
Ut ultra eum tentare
nequaquam praesumeret.
3. Cujusdam Arelatensis
ministri ecclesiae
Filia gravi languore
jacebat praemortua,
Pro qua vir Dei oravit,
patri sanam reddidit.
V. Sic illa muta manebat
jam puella triduo,
Ut nec ore loqui posset
cernere nec oculis.
In Laudibus.
Antiphonae.
1. Cumque jam exitus sui
cerneret per spiritum
Diem proximum, se vehi
jussit in coenobium,
Ipse quod patrarat dudum
ad opus virgineum.
2. Convocatis mox ancillis
Christi, quod audierat,
Consolatur, ne movere
suus eas transitus
Debeat, quod se patronum
scirent apud Dominum.
3. Cui nos, o pater sancte,
desolatas deseris?
Quibus ille: non vos, ait,
benedictae, desero,
Sed pro vobis rogaturus
ad Christum accelero.
4. Cuncta nunc simul creata
benedicant Dominum,
Tantum qui nobis patronum
dedit in perpetuum,
Cujus meritis juvari
sentiamus jugiter.
5. Laudet coelum, laudet terra,
Deum laudent omnia
Conditorem in beati
transitu Caesarii,
Quem Christus nobis patronum
conferat perpetuum.
In 2. Vesperis.
Ad Magnificat.
A. Ita nos amicus Dei
faciat Caesarius
Celebrantes interesse
festivis presentibus
Gaudiis, quod mereamur
perfrui perennibus.