60. In Revelatione ss. Mauritii, Exuperii et Candidi.

In 1. Vesperis.

Super Psalmos.

A. Confortare, pugnans ecclesia,
Tibi grandis adest laetitia,
Thebaeorum felix militia
Morte cepit regna coelestia;
Grata nimis ista victoria
Laeta reddit horum solemnia.

Ad Magnificat.

A. O quam felix Thebaea legio,
Fulgens armis coelestis luminis,
Quae contempto mandato regio
Sui rubens colore sanguinis
Miro coelum replevit gaudio
Zelo passa superni luminis.

Ad Matutinum.
Invitatorium.

Exsultemus concinendo

Regi saeculorum,
Jubilemus congaudendo

Palmae Thebaeorum.

In 1. Nocturno.
Antiphonae.

1. Ex Aegypti Thebis nata
Thebaeorum beata legio
Per baptismum post renata
Lucet orbi virtutum radio.

2. Zabdae verbis Heliac praesulis
Legionis insignes cunei
Peccatonim mundati maculis
Christianae subduntur fidei.

3. Caesar Romam hos vocavit
Ad regni praesidium,
Cum collega designavit
Ad partes rebellium.

Respoiisoria.

1. Fulget dies triumphi nobilis
Legionis Thebaicae,
Stirpe clarac, fide spectabilis,
Fama, gestis mirificae.
V. Ferro caesaepro Christi legibus,
In coelorum translatae sedibus.
2. Nutu Dei, praecepto Caesaris
Romam venit Thebaea legio,
Fulgens armis coelestis luminis,
Fide constans, fortis in proelio.
V. Mente Christo serviebat,
Caesari militia,
Fierique satagebat
Deo placens hostia.
3. Fana volens honorari,
Christi nomen abnegari,
Christianos trucidari
Rex scelestus praecipit,
V. Thebaeorum felix coetus
Non obedit, immo Iactus
Mortem prius excipit.

In 2. Nocturno.

Antiphonae.

1. Sic in fide confirmantur
Papali colloquio,
Quod ab ea non mutantur
Morte vel supplicio.
2. Fit coelestis ex Thebaeo
Coetus voto compari,
Quae sunt Dei, reddens Deo,
Quae Caesaris, Caesari.

3. Hi virtute nobiles,

In armis et strenui,
Plus fide spectabiles,
Pro qua regnant mortui.

Responsoria.
1. Flagrabat in sanctis militibus
Gloriosus ardor martyrii,
Ferebatque fides in cordibus
Hortamentis sancti Muuritii;
V. Ex ardore patiendi

Colla dabant gladio,
Neci sese praeferendi
Fiebat contentio.

2. Arma tenent nec resistunt,
Ore silent, pede sistunt

Tot milites strenui,
Colla praebent, mortem petunt,
Terram serunt, coelum metunt
Propter Christum mortui,
V. Incitante sancto Mauritio,

Concordante toto consortio.
3. Cedris altis excisis Libani
Liquor sacer emicuit,
Quo fluenta creverunt Rhodani,
Vallis Agauna rubuit;
V. Rubet lictor, rubet telum,
Rubet terra, rubet caelum
Tot peremptorum sanguine.

In 3. Nocturno.
Antiphonae.

1. Ab Aegypto sunt translati
Verae vitis palmites
Et in coelo transplantati
Per regis satellites.
2. Bis decima decollatur,
Ut tota cohors pereat,
Sed plus ex hoc animatur,
Ut parem mortem subeat.
3. Ad lictores tandem laeti
Collis nudis properant,
Armis spretis poenam leti
Propter Christum tolerant.

Responsoria.

1. Thebaeorum sancta militia,
Reparata digna memoria,
Grandi pios replet laetitia,
Mira cunctis fulgens victoria.

V. Coelo rapto mortis supplicio
Victrix regnat adepto bravio.

2. Coeli congaudet curia
Thebaeorum victoriae,
Quos stravit regis furia,
Coronavit rex gloriae.

V. Caesos cocli tulerunt agmina
Laeta Christo canendo carmina.

3. Felix locus Agaunensis,
Tot sanctorum plenus reliquiis,
Quorum multis et immensis
Signis fulget, gaudet suffragiis,
V. Et insignis urbs Galliae,
Vienna vocata,
Sacro ducis militiae
Capite dotata.

In Laudibus.

Antiphonae.

1. Laudes sanctae militiae

Thebaeae mundus intonat,
Ad augmentum laetitiae
Tuba coelestis resonat.

2. Hi prius ex militibus
Milites electi,
Post cum coeli regibus
Reges sunt effecti.

3. Miles dictus Victor praesagio,
Vere victor factus martyrio,
Thebaeorum fuit collegio
Junctus morte, junctus et prae-
mio.

4. Sonus vocis

infantis mortui
Finem matris
imponit luctui.

5. Thebaeorum cuneus,
Deo caius moribus,
Candidus et rubeus,
Electus ex milibus.

Ad Benedictus.

A. Caesar dirus fervens ira
Caedi jubet caede dira

Coetus Thebaeorum,
Qui non cedunt fide freti,
Sed ad letum currunt laeti

Pro spe praemiorum.

In 2. Vesp eris.
Ad Magnificat.
A. Dux insignis Mauritius

Transit ad regni solium,
Magna septus militia,
Regnaturus felicius

Propter dictum consortium
Cum tam mira victoria.