sig. XI.

Storax.

Storaxque. Eccli. XXIV, 21 : Quasi storax, et galbanus, et ungula, et gutta. His quatuor se comparat beata Virgo propter quatuor cardinales, in quibus nos instruit per exemplum. In storace fortitudo ejus, quae apparuit in Filii passione. Nam storax lacryma est, quae colligitur in diebus canicularibus, quibus fervor persecutionis figuratur : et tunc molestae sunt purgationes : quia Christus cui mater compassa est per molestias quas passus est in cruce, purgavit morbos animarum nostrarum : et tunc manifestissime apparuit fortitudo Mariae. Ipsa enim erat fortis illa mulier quam quaesierat Salomon, sed non invenerat, di- cens : Mulierem fortem quis inveniet ? Sed hanc invenit Simeon, quando dicebat illi, Luc. II, 35: Tuam ipsius animam pertransibit gladius, etc. (Quaere titulo de martyrio ejus, decima praerogativa).

Moraliter: Per storacem signatur patientia sanctorum, quae manifestatur in fervore charitatis eorum, qua scilicet patientia ipsi purgantur, licet molestissima sit natura. Luc. XXI, 19 : In patientia vestra possidebitis animas vestras.

Aliter : Secundum Isidorum storax arbor est Arabiae similis malo cedonio, cujus virgulae intra caniculae ortum cavernatim lacrymam fluunt, quae scilicet lacryma cadens in terram, immunda est: sed cum adhaeret proprio cortici, vel calamo, et tenet se sursum, tunc est munda. Haec etiam lacryma proprie albida, tandem fulva fit solis causa. Et ipsa gutta dicitur storax calamites, quia servatur in calamo : et est pinguis, resinosa, humectata, et odoris jucundi, et veluti mellosum liquorem emittens. Et dicitur storax : quia est gutta arboris profluens et congelata. Nam Graeci stiriam guttam dicunt : Graece autem stirax, Latine storax dicitur. Unde versus :

Albaque diffusis dependet stiria ramis.

Maria dicitur storax. Quia storax arbor Arabiae, quae interpretatur campestris: quia campus fructifer et latus et studiose excultus. Similiter et beata Virgo studio Spiritus sancti agricolata est et exculta, et nobis attulit pretiosum illud frumentum quo in sacramento pascuntur homines et Angeli. Joan. XII, 24: Nisi granum frumenti, etc. Lata est etiam per multitudinem et viscera pietatis. (Quaere titulo de terra, ubi describuntur proprietates campi). Hujus arboris gutta primo candida est, postea calore solis fusca efficitur. Haec gutta Christus Dominus candidus per innocentiam et animae purita-

LIB. XII DE LAUDIBUS tern : quia peccatum non fecit, sed calore solis, id est, fervore passionis quasi fulvus factus est illis quasi surrufus. Unde dicit sponsa : Dilectus meus candibus et rubicundus . Similiter et beata Virgo candida per virginitatem, sed in Filii passione fulva facta est et quasi surrufa per compassionem. Unde dicit, Cantic, I, 5 : Fusca sum, quia decoloravit me sol , id est, Christus, cui mente compassa sum.

Dicitur calamiies : quia tam gratia matris quam Filii conservatur in calamo perfectae humilitatis.

Pinguis est per devotionem quam suis famulis subministrat. Unde dicit cum Filio promittens hanc pinguedinem obedientibus sibi, Isaiae, lv, 2 : Audite, audientes me, et comedite bonum : et delectabitur in crassitudine anima vestra,

Mellosi liquoris. Unde dicit mater cum Filio : Spiritus meus super mel dulcis , etc.

Iucundi odoris : quia uterque in his qursalvi sunt, odor vitae in vitam.

Humectata Ungendo alios in beneficiis et doctrinis.

Gutta profluens : quia congelatur et compingitur effective dando perseverantiam.

Exterius quasi obscura, sed intus quasi lucida, ut supra dictum est de myrrha.

Stillat in fervore aestatis : quia non ex operibus justitiae quae fecimus nos, sed secundum suam misericordiam salvos nos fecit Deus. Vel quia ex charitate nobis Evangelium praedicavit. Ezechiel. XXI, 2 : Fili hominis,... stilla ad sanctuaria,

Cavernatim fluit haec lacryma corticis incisione : quia Christus incisus in cruce quinque plagis de caverna sui corporis nobis aquam et sanguinem propinavit et Ecclesiae sacramenta.

Infrigidata calefacit. Et Maria signatur

B. MARIAE. VIRG. CAP. 6 165 per Abisag quae David frigidum calefecit .

Superflua tollit. Sic et Christus dicens, Luc. XI, 41 : Quod superest, date eleemosynam.

Dura emollit. Ezechiel.XXXVI, 26: Auferam cor lapideum de carne vestra, et dabo vobis cor carneum.

Dicitur curare lippitudinem oculorum: et hoc tribuens virtutem discretionis.

Dicitur curare tussim et reumata, id. est, cogitationes et curas superfluas.

Dicitur consolidare dentes motos, id est, virtutes quibus anima pascitur suo modo.

Malaxatur ad ignem velut cera. Qui comburunt urnam myrrhae, faetorem sentiunt intolerabilem et periculosum, nisi per fumum storacis eisdem succurratur.

Moraliter : Lacryma storacis cadens in terram, immunda est. Hae sunt lacrymae hypocritarum sordidae : quia effunduntur pro cupiditate terrenorum vel laudibus mundanorum. Sed lacrymae justorum lugentium pro irriguo superiori et ex amore divino mundae sunt. Et de his dicit Psalmista, Psal. lv, 9, Domino : Posuisti lacrymas meas in conspectu tuo, sicut bonum vinum ante magnates.