CAPUT IV.

Mariafluvius.

Fluvius secundum omnes proprietates flumini superius assignatas. Est autem fluvius perennis aquarum decursus, a fluendo perpetim dictus. Maria fluvius : quia parvus in ortu suo, postea multum quandoque augmentatur. Sic et Maria parva prius per humilitatem, tandem supergressa est Angelicam dignitatem. Insulas circuit, illos videlicet qui tunduntur fluctibus tribulationum. Utilitati omnium se exponit : nam voluntas ejus est nulli obesse, omnibus prodesse. Non lavatur in eo qui ei non appropinquat fide, amore et servitio. Proprium alveum qui est misericordia, numquam mutans, jugiter defluit : quia in gratia sancti Spiritus perseverans, continue nos irrigat, nisi per nosmet steterit.

Hic fluvius Jordanis, in quo ad praeceptum Elisei restituitur caro Naaman leprosi, sicut caro pueri parvuli, si in eo septies abluatur . Ablutio prima, sedulum ei obsequium impendere. Secunda, nomen ejus et laudes magnificare. Tertia,

totam spem suam post Deum in ea ponere. Unde dicit Ecclesia : " Vita, dulcedo et spes nostra ", Quarta, amicorum ejus defectus supplere. Unde, II ad Corinth. viii, 14 : Vestra abundantia illorum inopiam suppleat, etc. Quinta, ei per orationem humiliter se ostendere, sicut legitur fecisse Theophilus. Sexta, ei negotia committere. Septima, ejus virtutes saltem a longe imitari. Possunt etiam septem virtutes Mariae adaptari contra septem genera leprae, quae signat peccatum quod interiorem hominem defigurat sicut lepra exteriorem, Assigna quo modo,

Item, Per hunc Jordanem transeunt veri Hebraei et Judaei in terram promissionis : ita et nos si fuerimus veri Hebraei, id est, transeuntes de malo ad bonum per paenitentiam, et devote matrem et Filium collaudantes, quia Judaeus dicitur laudans vel glorificans, per eam introducemur in veram terram promissionis.

Item, Jordanis componitur ex duobus fontibus qui sunt Jor et Dan, quibus

procul a se distantibus et in unum foederatis, Jordanis deinceps appellatur. Nascitur autem sub monte Libano, et dividit Judaeam et Arabiam, et per multos circuitus juxta Jerictio in Mare mortuum influit. Et in Maria duplex est fons, scilicet compassionis et largitatis. Nam compatitur miseris, et largiter tribuit omni petenti se sicut debet.

Item., Jordanis interpretatur descensio eorum, quia descendere debemus de camelo superbiae cum Rebecca , considerata regina caelorum tantum humiliante se. Vel, Jordanis humilis descensus : quia merito suae humilitatis descendit in eam Filius Dei. Vel, per hoc quod dicitur humilis descensus, signatur duplex ejus humilitas, qua digna facta illum concipere, qui per passionem suam nobis aperuit ostium paradisi, qui signatur per terram promissionis.

Hic est fluvius Dioryx. Unde ipsa dicit, Eccli.XXIV, 41: Ego quasi fluvius Dioryx, qui interpretatur medicamentum

generationis : quia ipsa sanavit generationem humanam, quam prima mater ita mortaliter vulneraverat, ut a planta pedis usque ad verticem sanitas non esset in ea. Dioryx enim fluvius est in Armenia mirabilis velocitatis. Et ipsa est fluvius gratiae rapidus, et inundans, influens in nos per charitatem, quae fortis est ut mors, et quam aquae multae peccatorum nostrorum exstinguere non possunt . Refluit autem in. suum principium, per humilitatem ei omnia attribuendo. Unde dicit: Fecit mihi magna qui potens est . Armenia interpretatur mons vellicatus. (Quaere titulo, quod Maria dicitur arca sanctificationis.)

Hic est ille fluvius de quo loquitur Joannes, Apocal. XXII,1 et 2, dicens:

Ostendit mihi Angelus fluvium aquae vivae, splendidum tamquam crystallum, procedentem de sede Dei et Agni, In medio plateae ejus, etc. Bene Maria fluvius : quia singulas generationes rigando post unam in aliam fluit. Et licet non omnes per eam irrigentur, quod est angustatio fluvii, per aliquos tamen fluere numquam cessat. Propter hoc ei competit illud Sapientiae, VII, 27 : Per nationes in animas sanctas se transfert, quas sanctas non. invenit, sed sanctas iacit. Dicitur hic fluvius aquae vivae. Aquae, quia reiicit: vivae, quia numquarii defecit, Aquae, quia abluit: vivae, quia semper fluit. Quae scilicet aqua splendida dicitur tamquam crystallus, quia in his quos rigat, peccata logibilia facit per confessionem, sicut crystallus litteras suppositas sibi. Procedit hic fluvius de sede Dei ei Agni, id est, de sanctis Patriarchis, in quibus Pater et Filius residendo regnabant. In medio plateae ejus, id est, civitatis, scilicet Ecclesiae.

Christos fluvius: quia quando oritur, parvus est, sed postea crescit et dilatatur in immensum: sic et Christus. Unde, Isa. IX, 6: Parvulus natus est nobis. Et paulo post: Ei factus est principatus super humerum ejus : ecce dilatatio. Per mirabilem enim ejus vitam et doctrinam, dilatatum est nomen ejus per universum orbem. Simile, Isa. XVI, 1 : Emitte agnum, Domine, Et statim subdit: Dominatorem terrae, Crescit quando aquae multae cadunt in ipsum. Aquae multae, populi multi , quibus quasi crevit, quando crediderunt et venerunt ad eum per fidem. Isa, ii, 1 : Fluent ad eum omnes gentes. Quando una aqua cadit in aliam, amittit nomen suum: sic quotquot veniunt ad. Christum, amittunt nomen vetustatis suae, et non jam Judaei vel Gentiles, sed a Christo dicuntur

Christiani. Ideo dicitur ei: Oleum effusum nomen tuum .

Item, Aquae tribulationes sunt, quae abundanter fluxerunt in eum. Unde dicit

Patri: Omnes fluctus tuos induxisti super me , Sed statim nomen pristinum amiserunt. Unde paupertas jam non dicitur paupertas, sed divitiae. Matth. v, 3: Beati pauperes spiritu, quoniam ipsorum est regnum caelorum. Ecce divitiae. Luctus jam non est luctus : quia beati qui lugent , et sic de aliis. Quod attendentes illi qui habent veram sapientiam, spretis mundi divitiis, currunt ad divitias Christi.

. Fluit inter duas ripas, quae sunt ingressus in mundum per miseram nativitatem, et egressus a mundo per amaram mortem. Inter has per laboriosam vitam

fluvius iste deflexit. Excedens ripas suas quandoque fecundat terram, Unde, Isa. xxiii, 3, dicitur de Nilo : Messis flaminis fruges ejus. Quandoque operatur sterilitatem, et destruit vineas. Sic Christus adveniens operatus est per occasionem sterilitatem synagogae, et fecundavit Ecclesiam et Apostolos sua praedicatione. In die judicii excedet ripas, et conculcabit mortem et omnem miseriam.