CAPUT XXX.

De omnipotentia Mariae.

De omnipotentia Mariae dicit Fulberilis Carnotensis in illa homelia, Approbatae consuetudini, etc. : " Si quidem mater Domini ubique imperiosa est, ubique magnifica, secundum charitatem erga superos, et super miseros per discretionem, quae misit Angelum in auxilium magni patris Blasii, et suscitavit militem qui hostem ejus Julianum apostatam interfecit. Haec est quae chirographum Theophili diabolo potenter ereptum captivo reddidit in signum libertatis, et ipsum se suppliciter invocantem ab ipsis diaboli faucibus potenter eripuit . Ipsi certe pronum est Angelos sanctos in ministerium mittere, et ad beneplacitum suum inferorum pacta quassare, ut de ea congrue dici possit illud Ecclesiastae, VIII, 3 et 4 : Omne quod voluerit, faciei. Ei sermo illius potestate plenus est, nec ei dicere quisquam potest: Quare ita facis Pltem, Sapient.XII, 12 : Quis dicet tibi : Quid fecisti ? aut quis stabit contra judicium, tuum ? Ibidem, v. 18 : Subest enim cum volueris posse. Item, Sapient. XVI, 13 : Tu es qui vitae et mortis habes potestatem, et deducis adpendas mortis, ei reducis. Ipsa est quae mortificat, sicut in Juliano : et vivificat, sicut patet in Theophilo : deducit ad inferos, et reducit. Eccli. xlii, 24 : In omni necessitate omnia obaudiunt ei. Unde dicit cum Filio, Isa. xlvi, 10 : Consilium meum stabit, et omnis voluntas mea fiet. Job, XXIII, 13 : Anima ejus quodcumque voluit, hoc fecit, etc, "

Ideo dicuntur etiam manus illius tornatiles , quia in promptu habet facere quidquid ei placet, sicut ars tornandi prompta est et expedita. Aureae, quia ex charitate Dei. et proximi procedit quidquid facit. Plenae hyacinthis, id est, virtute caelesti. Item, Sapient. VII, 27 : Cum sit una, id est, singularis, pietate, charitate, et praesidio : omnia potest, ex dono Filii sui, a quo omnipotente omnipotens est effecta, ei in se permanens, id est, perfecte manens immutabilis bonitate, potentia, et misericordia : omnia innovat, id est, hominem, propter quem facta sunt omnia, et qui habet cum omni crealura participium. Innovat, inquam, hominem per gratiam in praesenti, et per gioriam in futuro. Ei per nationes, id est, in omni gente sine personarum acceptione, in animas sanctas se transfert, gratiam infundendo, quas sanctas non invenit, sed gratia sua sanctas facit. Amicos Dei, id est, amantes Deum et amatos a Deo, et Prophetas constituit, hoc est, accendit ad amorem Dei et illuminat ad cognitionem ejus. Unde et dicitur illuminatrix. Ipsa enim regina est illius civitatis, cujus Filius suus rex, et eisdem privilegiis secundum leges gaudent rex et regina. Cum autem eadem sit potestas et communis matris et Filii, quae ab omnipotente Filio omnipotens est effecta : quia non est potestas nisi a Deo , Unde dicit cum Filio, Matth. xxviii, 18 : Data est mihi omnis potestas in caelo et in terra.

Tamen excellenter potens est in Ecclesia triumphante. Unde dicit, Eccli.XXIV,15: imperandi scilicet quod volo, virtutibus angelicis et animabus sanctis, et faciendi ad beneplacitum meum, et quos volo introducendi.

Item, Sicut Mariae Filius rex regum est, et Dominus dominantium , sic Maria mater Christi regina est bene se regentium, et Domina eorum qui sibi dominantur. Dominare ergo sensualitati tuae, et castiga corpus tuum, et redige in servitutem, si tantae reginae familiae adscribi concupiscis.

Item, Ratione potentiae appellatur Maria virga virtutis Domini. (Quaere titulo de virga, ubi Maria dicitur virga virtutis, post tractatum de septem virgis.)

Item, In hoc manifestissime apparet omnipotentia Mariae, quod sicut legitur in miraculis ejus, inuitos de sua damnatione jam certos, multos in aquis praedicatas, multos ex improviso mortuos liberavit, qui dum viverent, ipsius patrocinio se commendaverant : multos qui sine paenitentia decesserant in mortali, ab ipsis diaboli faucibus potenter eripuit, et ut possent agere paenitentiam, ad vitam reduxit. Ita namque ingeniosa est et subtilis ad salvationem peccatorum, sicut diabolus ingeniosus est et subtilis ad damnationem eorum. Qua autem justitia vel quo jure ipsa salvet damnabiles et sine paenitentia defunctos in mortali, quis sufficiat enarrare? Constat autem, quod et ita facit, et quod salva justitia Iacit. Et ad hu- jus rei evidentiam dicitur ipsa, fons signaius . Nam sic exuberans est iste fons misericordiae, quod semper fluunt miserationes ejus, integro tamen et illibata sigillo justitiae, quia sic ingeniose scit facere misericordiam, quod non frangit justitiam.

Item, De ipsa sicut de Filio potest dici ipsi Filio illud Psalmi viii, 8 et 9 : Omnia subjecisti sub pedibus ejus, oves, id est, simplices, et boves, in quibus quatuor titulo de pedibus. Universas in feminino propter fecunditatem. Insuper, hoc dicit ad notandum diversitatem bonorum et malorum, Pecora campi, luxuriosos vagantes per campos licentiae, ubi Abel occiditur. Volucres caeli, superbos. Pisces maris, cupidos, qui perambulant semitas maris. In his tribus elementis habitant daemones, sed non in igne elemento : quia non in lucido.

Item, Ratione potentiae dicitur, quod luna, id est, antonomastice ille stultus diabolus scilicet, qui ut luna mutatus est , a claritate in obscuritatem. Sub pedibus ejus , idest, ei plenarie subjectus : et hoc per virtutem humilitatis. Unde in Psalmo XVII, 10 : Descendit , id est, ineffabiliter se humiliavit. Et caligo, id est, diabolus qui dicitur caligo formaliter, quia caret luce : et effective, quia efficit caliginem peccati. Sub pedibus ejus qui sunt humilitas et virginitas, quibus contrivit caput serpentis antiqui, scilicet superbiam et concupiscentiam.