sig. X. Ignis .Ignis, id est, Filius Dei, qui dicitur ignis consumens : et hoc in fine, qui proprietates suas complevit in Virgine.

Christus ignis. Quia siccus ab effectu, qui omnem humorem carnalitatis desiccavit in ea. Osee, xiii, 15 : Adducet Dominus urentem ventum, ut supra de

vento qui signat Spiritum sanctum. Calidus, dum ipsam quasi frigidam per timorem accendit ad fidem, dicente Angelo : Ne timeas, Maria, invenisti gratiam apud Dominum ,

Mobilis, quando ipso concepto ascendit in montana cum festinatione , et deinde cum eo fugit in aegyptum.

Levis, quando spretis per ejus gratiam mundi sollicitudinibus, ad caelestia eam desideria sublevavit. Sophon. III, 8: In igne zeli mei, id est, in fervore et vehementia dilectionis meae, qua dilexi Mariam, devorabitur omnis terra, id est, omnis terrenitatis amor et appetitus,

Subtilis, quando amota sensus hebetatione, ipsam implevit sapientia.

Acutus, quando ablata sensus tarditate fecit eam in corde suo conservantem omnia verba quae dicebantur .

Inflammans : Filius enim Dei cor matris inflammavit eximia charitate. Unde Pater Filio, Ezechiel. x, 2 : Ingredere in medio rotarum, id est, in cor Virginis. Cor enim in medio est. Rotarum dicitur propter scientiam duorum Testamentorum, quam ipsa habuit. Et imple manum tuam prunis ignis, et effunde super civitatem .

Illuminans., qui a mente virginea fugavit nubilum totius ignorantiae.