pro Gentium Evangelizatione subicimus. Praeterea iubemus episcopalem se-

dem poni in civitate « Techiman » simulque templum ibidem exstans, Deo in

honorem Sancti Pauli dicatum, ad dignitatem Cathedralis ecclesiae evehi-

mus; cetera vero secundum canonicas leges temperentur. Quae praescripsi-

mus perducet ad exitum Apostolica Nuntiatura in Gana, quae, re acta, cu-

rabit documenta exaranda sincerisque exemplis Congregationi pro Gentium

Evangelizatione mittenda. Hanc denique Constitutionem Nostram iugiter

ratam esse volumus, contrariis rebus nihil obstantibus.

Datum Romae, apud S. Petrum, die duodetricesimo mensis Decembris,

anno Domini bis millesimo septimo, Pontificatus Nostri tertio.

Tharsicius card. Bertone Ivan card. Dias

Secretarius Status Congr. pro Evang. Gentium Praef.

Marcellus Rossetti, Protonot. Apost.

Laurentius Civili, Protonot. Apost.

Loco e Plumbi

In Secret. Status tab., n. 84.445

II

PREŠOVIENSIS

In Slovachia Ecclesia Metropolitana Prešoviensis ritus Byzantini erigitur.

BENEDICTUS EPISCOPUS

servus servorum dei

ad perpetuam rei memoriam

Spiritali emolumento nec non regimini Christifidelium Slovachorum ritus

Byzantini Nosmet Ipsi, Qui pergrave Successoris Petri munus exercemus,

consulere volentes, maxima diligentia petitionem consideravimus istius ritus

Praesulum circa evectionem Ecclesiae ritus Byzantini in Slovachia ad gra-

dum metropolitanum. Condicionem illorum fidelium diligenter inspicientes,

quos precibus Nostris assidue comitamur, audito Venerabili Fratre Nostro

Cardinale Praefecto Congregationis pro Ecclesiis Orientalibus, summa Apos-

tolica potestate haec quae sequuntur decernimus: Ecclesiam in Slovachia

ritus Byzantini in Ecclesiam Metropolitanam Prešoviensem appellandam

Acta Apostolicae Sedis - Commentarium Officiale58