88. De s. Marco de Bivino.

In 1. Vesperis.
Antiphonae.

1. Caelestis nunc ecclesia
Nova sumat tripudia,
Gaudens de Marco filio
In caeli nato gremio.

2. Qui praeclarus ut lucerna
Regna tenet sempiterna,
Sanctis angelis conjunctus
Gratulatur Deo functus.

3. O confessor Christi Marce,
Gaudens decus jam in arce,
Audi preces clericorum
Tibi, pater, devotorum.

4. Adesto tuis famulis,

Quibus mens exstat humilis,
Ipsis acquire praemia
Pro laudibus sublimia.

5. Concurrunt juncti singuli,
Magni simul et parvuli,

Corde devoto supplices,
Suos flexuri poplites,
Tuas prompti reliquias
Honorare sanctissimas.

Ad Magnificat.

A. Gaude, decus confessorum,
Pie pater clericorum,
Cujus merita fulserunt
Mundum decorantia,
Dirige nunc iter moram
Ad fastigia caelorum,
Qui firmati constiterant
Stabili potentia.

Ad Matutinum.
Invitatorium.

Eja, pervigiles

Domino jubilate, fideles,
Laudes pentarcho

devoti solvite Marco.

In 1. Nocturno.
Antiphonae.

1. In Ecana civitate
Fuerat Constantius,
Cujus plenus sanctitate
Marcus erat filius.

2. Qui dedicatus studio,
Praemunitus ingenio,
Quidquid aure capiebat,
Corde memor retinebat.

3. Et ut terra fructifera
Centena ?profert geina,
Sic hic in patientia
Doctrinae captat praenmia.

Responsoria.

1. Hic crescebat in timore
Dei semper et amore,
Fama suae bonitatis
Cunctis erat nota satis,

V. Proferens idoneum
De Marco testimonium.

2. Orbatus patre Constantio
Et Christi fixus servitio
Egenis manu libera
Sua spargebat munera,

V. Usuram sibi

putans pro munere reddi.

3. Cum puellis habitabat
Carnis mundus macula,
Sanctae menti serviebat

Caro sancta famula
Nec rebellis calcitrabat,
Quam jejunans macerat ;
V. Territa flagello

non vult subesse duello.

In 2. Nocturno.

Antiphonae.

1. Quem antistes asserebat
Aptum vitae praemio,
Hic indignum se dicebat
Tanto presbyterio.

2. Ornatus sacerdotio
Ab aris abstinuit,
Hujus sancti devotio

Dabat, quo pauper eguit.

3. Excitantur contra sanctum
Duo bilingues clerici,
Diffamantes virum tantum
Epistolis maledici.

Responsoria.

1. Vocatus a pontifice
Accessit confidenter,
Auditu laudis caelicae

Tunc claruit patenter
Non foedatos puellarum
Tactu sibi conjunctarum.
V. Hora matutina

Praesensit cantica divina.

2. Dum cum aemulis pergebat
Ad Johannem praesulem,
Sitis arida tenebat
Pravum Aristotelem,

Damula sitim tollebat,
Lac dum ubere fluebat ;
V. Bibit Aristoteles,

Vires redduntur fertiles.