73. De sancta Firmina.

In 1. Vesperis.
Antiphonae.

1. Firmina virgo,

virtutis speculum,
Transit felix

ad caeli solium,
Cujus prece

coetus fidelium
Summi regis

intret in gaudium.
2. Opus Firmina

fecit mirificum,
Ad lucem de tenebris

revocans impium,
Olympiadem

convertens ad Dominum.
3. Manus, quam levat impius,
Stat immobilis, afflictus
Clamans caelitus
Liberatur virginis precibus
Et sic pro fide moritur.
4. O quam magnum miraculum,
Flatu confringens idolum,
In lutumque convertitur,
Sic errorum fraus vincitur.
5. Post tot magna miracula
Tantaque dira martyria
Crinibus virgo suspenditur,
Rogus adbibitur
Et sic felix caelum ingreditur.

Ad Magnificat.

A. Gaude, Roma,
ditata gloria,
Tot sanctorum
agens sollemnia,

Gaude tota

de rosa rubea,
Qua ditatur

felix Amelia,
Quam tu profers,

vivit in saecula.

Ad Matutinum.
Invitatorium.

Christum regem gloriae

omnes adoremus,
In honorem virginis

ipsi jubilemus.

In 1. Nocturno.
Antiphonae.

1. Praefecti genere
rosa progreditur,
Cujus odor

per mundum spargitur.
2. Mundum fugit

spernens illicita,
Deum pulsat
prece mirifica.
3. Haec constanter

tyrannum superat,
Dum ferventer
fidem annuntiat.

Responsoria.

1. Mundum calcat pedibus
Romam derelinquens,
Deserta loca transmeat
Obsequiis insistens,

V. Mentis servans munditiam,
Carnis virginitatem,

Deo servire studuit
Per morum honestatem.
2. Virgo pugil Christi,

virtutum forma fuisti,
Dum pro fide Christi
coronari meruisti,
V. Fulgida stella maris,

nos protege, nos tuearis.
3. Dum Firmina gressum figit,
In Christo stat firmiter,
Fidem tenet nec mollitur

Resistens viriliter,
Judex furit nec timetur,
Dum spernit sublimiter ;
V. Haec blandimenta respuens
Judicem despexit,
In Christo sponso glorians,
Quem multum dilexit.

In 2. Nocturno.

Antiphonae.

1. Dum injuste

lacertus tenditur,
Riget statim,
nequaquam flectitur.
2. Orat firma

Firmina dulciter,
Relaxatur

lacertus jugiter.

3. Stupet judex,

statim convertitur,
Fidem tenens
pro fide moritur.

Responsoria.

1. Nobilis est genere

praefectorum alumna,
Gentem devicit perfidam
quae nimis furibundam
Coronam lucrans gloriae
pretiose jucundam ;
V. Haec convertit praesidem
Secumque traxit judicem
Ad gloriam raelorum.

2. Virgo flagellatur,

suspenditur et cruciatur,
Christo juvatur

nec flagellis superatur ;
V. Stat constanter pugil fortis,
Fidem tenet hora mortis,
Dum pro Christo patitur.

3. Dum orantis

devota carmina
Caeli petunt

alta sublimia,
Mox redduntur
stupida brachia
Jam fideli ;
V. Afflictus verbere
Promittit credere,
Redditur sanitas.

In 3. Nocturno.

Antiphoaae.

1. Dum imago devastatur,
Virtus Christi demonstratur
Flatu sanctae virginis.
2. Stupent omnes et mirantur,
Laudes Christo decantantur
Immenso prodigio.
3. Cum Firmina verberatur,
Amor Christi inflammatur,
Nec terretur verbere.

Responsoria.

1. Verbum Christi

dum palam promitur,
Multitudo

magna convertitur,
Judex furit,

minas connectitur
Nec timetur.
V. Vis flagelli

amore vincitur,
Dum in Christo
Firmina figitur.
2. Deos exprobrat,
statua frangitur,

Dum Firminae

flatu contingitur,
Stupent omnes,
fides extollitur,
Sic error vincitur,
V. Dum Firmina

fortis in agmine
Verba profert
virtutis nimiae.
3. O quam magna

virtus ostenditur,
Dum Firmina

carne suspenditur,
Stat invicta,

sic tamen moritur.
V. Virgo sancta,

commenda Domino,
Qui te laudant
devoto cantico.

In Laudibus.
Antiphonae.

1. Adest dies laetitiae,
Qua rosa delicata
Offertur regi gloriae
Deliciis ornata.

2. Haec corona duplici
In caelo coronatur

Et virtute multiplici
In terris comprobatur.
3. Nobilis es genere,

Firmina, virgo Christi,
Non superaris verbere,
Inimicum vicisti.
4. Carnem afflixit jugiter
Jejuniis vacando,
Fidem defendit fortiter
Pro Christo moriendo.
5. Castitatis lilium

Suspenditur per crines,
Glorias eximium
Tendens in sublimes.

Ad Benedictus.

A. Ave, virgo speciosa,

Gemmae jubar, florens rosa,
Stella splendens virtuosa,
Nos conserva jugiter.

In 2. Vesperis.
Ad Magnificat.

A. O speculum munditiae,
summi vas honoris,

Virginitatis lilium
mirifici candoris,

Translata es cum gloria
in supernis choris.