30. De Visitatione BMV.

In 1. Vesperis.
Super Psalmos.
A. Collaetentur

corda fidatiam,
Virgo mater
concepto filio

Scandit montes,

ut duplex gaudium
Geminetur

in matrum gremio ;
Nam, dum habet

salvator obvium

Vatem, implet

sancto tripudio,
Sic utraque

mater per filium
Docta cantat,

quae dictat unctio.
B. Virga Jesse jam floruit

Repleta sacro flamine,
Sursum ire nos docuit,

Dum montium cacumine
Transito domum petiit

Zachariae cum lumine.
V. Sol in sole

refulgens domina
Prophetarum

accendit lumina.

Ad Magnificat.

A. Magnificat altissimum

Virgo facto miraculo,
Aroma suavissimum

Gerens in ventris loculo,
Dum canticum dulcissimum

Pio profert oraculo
Sermonemque gratissimum

Fideli praestat populo.

Ad Matutinum.
Invitatorium.

Latentem in virgine
Christum adoremus

Mentisque dulcedine
Matri jubilemus.

In 1. No cturno.
Antiphonae.

1. Ex ore infantium

Matres illustrantur,
Sicque patri omnium
Laudes cumulantur.
2. Ponit tabernaculum
Dominus in sole,
Dum aufert piaculum
Virginis cum prole.

3. Dominus, rex gloriae,
Dominus virtutum,
Vatem facit hodie
Virginis ad nutum.

Responsoria.

1. Mundum vocans

ad partum virginis
Hora coenae

plasmator hominis,
Vatem mittit

de ventre sterilis

Similem angelis.

V. Haec narrat angelus,

et virgo credidit,

Quam mittens Dominus

prophetam edidit

2. Datum signum
de cana sterili
Tam est gratum
Mariae virgini,
Quod ad montem
pergit cum humili
Gressu et utili.
V. Sic festina

sterilem visitat,
Verbo verbum
pandens, quod latitat.

3. Verbum patris

postquam concipitur
In Maria,

prius ostenditur
Praecursori,

dum virgo loquitur,
Sic caelum panditur.
V. Ventris alvo

verbum absconditum
Per os matris

mundo fit pandidum.

In 2. Nocturno.
Autiphonae.

1. In labiis virginis
Gratia diffusa,
Fit in ventre sterilis
Gratia infusa.

2. Cum impetus flaminis
Virginem sanctificat
Cursu sacri fluminis
Prophetam laetificat.

3. Gloriosa dicimus

De te, porta cadi,
Teque benedicimus
Cum mente fideli.

Respousoria.

1. Paupertatis

liumanac pallio
Decoratum

dominum gloriae
Recognoscit

dictante filio
Veterana

sterilis hodie:
V. Unde mihi,

quod ad me veniat
Dei mater,

ut mihi serviat?

2. Fulget sponsus ecclesiae

In thalamo virgineo,
Cantat cantum laetitiae

De tanto consanguineo
Elisabeth, cum hodie

Se jungit caeli cuneo.
V. Benedicit cum angelis

Fructum et vitem pariter,
Quibus fit nobis miseris

Solamen integraliter.

8. Granum, quod vitae moriens

Fructum afferre venerat,
In alvo matris oriens

Antiquam stupefecerat,
Hinc clamitat exsiliens:

Beata, quae crediderat ;
V. Plena, inquit,

Deo et homine,
Cuncta cernens

in plenitudine.

In 3. Nocturno.
Antiphonae.

1. Canticum novum Domino
Cantat plena gratia,
Dum dato legi termino
Nova prodit mysteria.

2. Gaudet mons Sion hodie,
In quo vita, ostenditur,
Exsultent inde filiae,

Dum virgo magna loquitur.

3. Qui fecit mirabilia,

Novum dictavit canticum,
Quod virgo laudabilia

Per verba facit pandidum.

Responsoria.

1. Felix virgo,

cujus oraculo
Dona magna

panduntur sacculo,
Dei plena

magno miraculo,
Clausa piaculo.
V. Ex ubertate dogmatum
Fontes signat charismatum.

2. Ascendenti

ad montem virgini
Et cantanti

canticum Domini
Vates plaudunt,

qui Christi nomini
Dant honorem

et summo culmini;
V. Per hanc cernunt

luctum praeteritum
Commutatum

in cantum inclitum.

3. O spem miram, quam dedisti
Decantando humilibus,
Dum ancillam te dixisti

Et beatam prae omnibus,
Praesta, mater, ut nos Christi
Fruamur adspectibus.

V. Quae tam magna eeciiristi
Tibi conlata largiter,
Nos a morte salvans tristi
Christo junge feliciter.

In Laudibus.
Antiphonae.

1. Cum Deus ex virgine
Induit decorem,
A te foetus femiuae
Suscipit valorem.
2. In conspectu Domini
Puer exsultabat,
Ex quo mater virgini
Cantans prophetabat.
3. Fructum vitae protulit
Terra virginalis
Populique attulit
Laudes generalis.
4. Benedicens, benedicta,
Benedic benedicentes,
Nobis, cantrix, cantum dicta
Et fac tecum concinentes.
5. Omnis spiritus auscultet
Decantantem virginem,
Secum plaudat et exsultet
Laudans Deum hominem.

Ad Benedictus.

A. Benedictus Emmanuel,

Qui visitavit hominem
Et redemptionem Israel

Per visitantem virginem
Intimavit praecursori,

Cum salute humili
Unde laudes salvatori

Clamanter et sterili.

In 2. Vesperis.
Ad Magnificat.

A. O virago perinclita,

De qua vir summus sumitur,
Humilitate praedita,

Dum Deus in te clauditur,
Montana velut subdita

Petis, et lumen oritur,
Hinc clausa pandit abdita,

Et infans clausus loquitur
Secreta caeli condita,

Verusque sol detegitur.

Per Octavam.
Invitatorium.

Ascendentem dominam

Montem sociemus
Et latentem Dominum

Christum adoremus.

Ad Benedictus.

A. Visitavit Dominus
Plebem Israelis,
Dum per matrem virginem,

Gravidam de caelis,
Genitricem visitat
Prophetae fidelis.

Ad Magnificat.

A. Exsultavit spiritus

Sterilis et nati,
Dum verbi divinitus

Mariae donati
Vis per vocem virginis

Infunditur vati.